Serbiya hər ay qaz idxalına 200 milyon avro, elektrik enerjisi alınmasına100 milyon avroya qədər vəsait xərcləyir.
Ednews xarici KİV-ə istinadən xəbər verir ki, bu barədə Serbiya Prezidenti Aleksandr Vuçiç Avropa İttifaqı (Aİ) ilə ünvanlı maliyyə yardımı haqqında sazişlərin imzalanmasından sonra deyib.
Serbiya lideri bildirib ki, ümumi rəqəmlərlə ayda 200 milyon avrodan az pul xərcləmirik. “Yalnız elektrik enerjisinin idxalı üçün noyabrda 42 milyon avro xərcləmişik.
Dekabrda bu məbləğin 90 milyon avrodan 100 milyon avroya qədər olması gözlənilir. Serbiya tədarükün şaxələndirilməsi çərçivəsində Bolqarıstanla sərhəddə qaz kəməri inşa edir və bu kəmər vasitəsilə Azərbaycandan qaz və Yunanıstandan mayeləşdirilmiş təbii qaz (LNG) idxalına başlayacaq” – deyə Serbiya prezidenti bildirib.