Dünya bazarında “Azeri Light” markalı Azərbaycan neftinin qiyməti bahalaşaraq 100 dolları ötüb.
EDnews xəbər verir ki, bu barədə neft bazarındakı mənbə məlumat verib.
Məlumata görə, “Azeri Light” markalı Azərbaycan neftinin 1 barelinin qiyməti 0,61 ABŞ dolları və ya 0,61 faiz artaraq 100,09 ABŞ dolları təşkil edib.
Hərracların nəticələrinə əsasən, “Brent” markalı neftin avqust fyuçerslərinin qiyməti 98,66 ABŞ dolları olub.
Türkiyənin Ceyhan limanında FOB bazasında “Azeri Light” markalı Azərbaycan neftinin bir barelinin qiyməti isə 0,66 ABŞ dolları və ya 0,68 faiz artaraq 97,67 ABŞ dollarına çatıb.
Qeyd edək ki, Azərbaycanın builki dövlət büdcəsində bir barel neftin orta qiyməti 65 ABŞ dollarından hesablanıb.
Xatırladaq ki, “Azeri Light” neftinin ən aşağı qiyməti 2020-ci il aprelin 21-də 15,81 ABŞ dolları səviyyəsində qeydə alınıb.
Bu markalı neftin maksimal qiyməti isə 2008-ci ilin iyulunda 149,66 ABŞ dolları olub.
Azərbaycanda “Azeri Light” markalı neft “Azəri-Çıraq-Günəşli” yataqlar blokunun işlənməsi haqqında müqavilə çərçivəsində hasil edilir.
Müqavilədə Azərbaycan Dövlət Neft Şirkətinin — SOCAR-ın payı 31,65 faizdir.
