Qrip olanda bu dərmanlardan əsla istifadə etməyin XƏBƏRDARLIQ

Sağlamlıq 04:58 31.10.2018

Oxunma sayı: 657

Türkiyəli loğman Nurten Elkin qrip virusunun 8 saata qədər canlı qaldığını söyləyib.

Eurasia Diary “Milliyet”ə istinadən xəbər verir ki, həkim qrip və soyuqdəyməyə qarşı istifadə edilən dərmanlardan danışıb.

Nurten Elkin bildirib ki, hərarət, halsızlıq, boğaz ağrısı, öskürək, burun axıntısı, burun tıxanması, baş ağrısı, əzələ və oynaq ağrıları qripin ən sıx görünən əlamətləridir: "Bu şikayətlər adətən 7 gün davam edir, sağalma müddəti 1-2 həftəyə qədər uzana bilər. Yoluxma öskürək və söhbət əsnasında damcıların ətrafa yayılması və sağlam insanların onları tənəffüs qəbul etməsi nəticəsində baş verir. Öpüşmək, əl vermək, bir metrdən çox yaxın təmas da xəstəliyin mühüm yoluxma yollarından biridir. Virus qapı cəftəsi, masa, stəkan kimi səthlərdə 2-8 saat canlı qala bilir”.

Loğman qrip və soyuqdəymə əlamətlərinin fərqli olduğunu bildirib: "Qripdə, öskürək, halsızlıq olur, hərarət 38 dərəcədən yuxarıdır, baş ağrısı kəskindir, burun axıntısı, öskürək və boğaz ağrısı daha azdır. Soyuqdəymədə isə xəstəlik tədricən başlayır, burun axıntısı, öskürək və boğaz ağrısı şiddətlidir. Halsızlıq, baş ağrısı və öskürək daha az görülən əlamətlərdəndir".

O, xəstəliyin risk qruplarının fərqli olduğunu dilə gətirib: "Xəstəlik uşaqlıqdan yaşlılığa qədər bütün yaş qruplarına təsir edir. Amma bəzi insanlar xəstəliyi daha ağır keçirə bilər. Bu risk qruplarına: 65 yaş və daha yuxarı yaş, 2 yaşdan aşağı şəxslər, uzun müddət aspirin istifadə etməli olanlar, şəkər xəstəliyi, o cümlədən hər hansı bir metabolik xəstəliyi olanlar, astma, o cümlədən xroniki tənəffüs yolu xəstəliyi olanlar, xroniki böyrək xəstəliyi olanlar, xroniki ürək və damar xəstəliyi olanlar, immunitet sistemi zəif olanlar, xərçəng xəstələri, immunsupresif dərman istifadə edənlər, həddindən artıq çəkili olanlar daxil edilir.

Xəstələrin çoxu hər hansı bir tibbi müalicə almadan bol maye və yataq istirahəti ilə sağala bilir, amma risk qrupunda olan insanlar xəstəliyi daha ağır keçirir. Bu səbəblə bu qrupdakı xəstələr mütləq həkimə müraciət etməlidir. Antibiotiklərin qrip və soyuqdəymə müalicəsində yeri yoxdur.

Risk qrupundakı insanlar mütləq həkimə müraciət etməli və öskürək zamanı kağız salfetlərdən sadəcə bir dəfə istifadə etməli və istifadə etdikdən sonra ətrafa təmas etdirmədən zibilə atmalıdırlar. Xəstələrin ictimai məkanlara daxil olmaması və bol maye qəbul edərək yataqda istirahəti etməsi lazımdır”.

Nurten Elkin əlavə edib ki, xəstəlikdən qorunmağın ən effektiv yolunun hər il peyvənd olmaqdır: "Qrip peyvəndləri effektivdir və bütün dünyada 60 ildən çoxdur ki, istifadə edilir. Dünya Səhiyyə Təşkilatı hər il virus dəyişikliklərini təqib edərək peyvənd üçün yeni tərkiblər hazırlayır. Bu səbəbdən hər il qrip vaksinlərinin tərkibi Dünya Səhiyyə Təşkilatının təklifləri nəzərə alınaraq hazırlanır. Qrip peyvəndi qrip mövsümü ərzində (oktyabr-mart aylarında) vurulmalıdır" dedi.