Xərçəngə qalib gəlməyin yeni yolu tapıldı | Eurasia Diary - ednews.net

21 İyul,


Xərçəngə qalib gəlməyin yeni yolu tapıldı

Səhiyyə A- A A+

Britaniyanın Solford Universitetinin alimləri bədxassəli şişlərin artımına gətirib çıxaran xərçəngli kök hüceyrələri müəyyən etməyin yolunu tapıb. Tədqiqatçıların sözlərinə görə, bu hüceyrələrin dərman preparatlarının köməyi ilə dəqiq işlənilməsi bədxassəli törəmələri xroniki xəstəliklərə çevirməyə kömək ola bilər.

Eurasia Diary xəbər verir ki, mütəxəssislər insanın döş vəzisinin şişindən götürülmüş bədxassəli şiş nümunələrini tədqiq edib. Məlum olub ki, bütün hüceyrə populyasiyasının 0,2 faizini təşkil edən bədxassəli kök hüceyrələri özünəməxsus əlamətlərə malikdir.

Bu hüceyrələr külli miqdarda enerji ərsəyə gətirir və suspenziyada sürətlə çoxalır; artıq onun toxumaya yapışmasına lüzum qalmır. Sonuncu özəllik onun metastaz verməsinə, yəni qan-damar sistemi ilə digər toxuma və orqanlarla keçib, ikinci dərəcəli şişli ocaqlar formalaşdırmasına vasitəçilik edir.

Tədqiqatçılar bu hüceyrlərin fosforlaşa bildiyini, yəni uzun müddət ərzində udduğu enerjini işıq şəklində əks etdirə bildiyini öyrənib.

Alimlərinə sözlərinə görə, onlar bu xüsusiyyətinə görə xərçəngli kök hüceyrələrini müəyyənləşdirə bilir. İndi tədqiqat qrupu belə hüceyrələrin çoxalmasını əngəlləyən preparatlar hazırlamaq niyyətindədir.

Belə vasitələrdən biri ribosiklip preparatıdır. Hüceyrə siklinin inhibitorları sayılan preparatlar ABŞ-ın Qida məhsulları və tibbi preparatların keyfiyyətinə sanitar nəzarət idarəsi tərəfindən təsdiq olunub.

 

AzEdu.az

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...