Eurasia Diary bildiri ki, bunu mətbuat.az-a açıqlamasında Azərbaycanın baş infeksionisti Cəlal İsayev deyib.
“İranda koronavirus Çindəki kimi epidemiya halını alsa, o zaman vəziyyət ciddi nəzarət altına alına bilər. Təbii ki, ölkədə bu gün də vəziyyət nəzarət altındadır, lakin yenə də İrandan Azərbaycana koronavirusun keçmə ehtimalı yoxdur”.
O qeyd edib ki, "Azərbaycanda epidemiyaya qarşı profilaktik tədbirlər gücləndirilib. “Ona görə də hələlik İrandan Azərbaycan üçün təhlükə olacağını gözləmirəm. Çünki xəstələnmiş insanların hamısı nəzarət altında saxlanılır və yoxlandıqdan sonra buraxılır. Azərbaycanda vəziyyət stabildir və heç bir şübhəli fakt yoxdur:
“Bütün sərhəd keçid məntəqələrində vəziyyət ciddi nəzarət altındadır. Koronavirusun yayıldığı ərazilərə gedərkən, xəstə insanlarla təmasdan qaçmaq lazımdır. Əgər təmas məcburiyyəti olarsa belə qoruyucu maskalardan istifadə zəruridir. Müntəzəm şəkildə əllər yuyulmalı, yoxlanılmış qida məhsullarından istifadə edilməli və gedəcəkləri ərazi haqqında əvvəldən məlumatlı olmalıdırlar”.
Xatırladaq ki, ötən gün İranda koronavirusdan 2 nəfər ölüb.
Çində koronavirusdan ölənlərin sayı artaraq 2 236 nəfərə çatıb.