İsrailin səkkiz oftalmoloqundan ibarət xüsusi humanitar heyət Azərbaycana - Bakı şəhərinə gəlib.
Nümayəndə heyətinə Dr. İşay Falik rəhbərlik edib. Həftə ərzində həkimlər Dağlıq Qarabağdakı son müharibə zamanı yaralanan 150 azərbaycanlı əsgərə tibbi yardım göstəriblər. İsrail həkimləri Azərbaycan səlahiyyətlilərinin dəvəti ilə gəliblər və səfər "YAŞAT" xeyriyyə fondu tərəfindən maliyyələşdirilib.
Bütün əməliyyatlar Azərbaycanda ən böyük və ən qabaqcıl tibb müəssisəsi olan Zərifə Əliyeva adına Milli Oftalmologiya Mərkəzində aparılıb.
Dr. İşay Falik və Dr. Yore Barak, ağır yaralı iki əsgərin görmə qabiliyyətini bərpa edən uğurlu əməliyyat keçiriblər. 20 yaşlı Arif qəlpə yarası alıb və demək olar ki, görmə qabiliyyətini tamamilə itirmişdi, yalnız işıq və qaranlığı ayırd edə bilirdi. Bir neçə saat ərzində, retina və gözün buynuz qişasının transplantasiyası də daxil olmaqla travmatik kataraktın çıxarılması üçün əməliyyat edilib. Arif Hacıyev anesteziyadan özünə gəldikdən bir müddət sonra artıq oxuya bilirdi.
“İnsanlara dünyanı yenidən görmək imkanını qaytarmaq qeyri-adi bir hissdir. Ən çətin anlarda humanitar missiyaları yerinə yetirə bilən İsrail tibb sisteminin bir hissəsi olduğum üçün qürur duyuram. Ağır yaralanan gənclərin normal həyatlarına qayıtmalarına kömək etmək üçün buraya gələn hər kəslə fəxr edirəm. Bu, İsrail cəmiyyətinin könüllülük ruhunun ecazkar ifadəsidir”, buynuz qişa transplantasiyası, katarakt əməliyyatı və refraksiya üzrə mütəxəssis oftalmoloq Yishai Falik dedi.
Azərbaycanda həkimlərin öz xəstələri üzərində apardıqları prosedurların əksəriyyəti okuloplastik cərrahiyyə ilə əlaqədardır - plastik göz əməliyyatı, göz yuvasındakı qırılmalar və şişlər, göz çıxarıldıqdan sonra bərpaedici tədbirlər, göz qapaqları əməliyyatı, protezlərin implantasiyası və s.
"Burada dəhşətli travmalar alan gənc əsgərlərlə tanış olduq, əksəriyyəti zədə səbəbilə üzdə yaranan deformasiyalara görə evdən çıxa bilmirlər. Əməliyyatlarımızda gözün görmə qabiliyyətini bərpa etmək mümkün olmadıqda üzün yumşaq toxumalarını bərpa edirdik", Dr. İşay Falik deyir.
İsrail həkimləri Bakıda işlərini tamamilə pulsuz görüblər, bəziləri hətta bu beynəlxalq humanitar layihəyə qoşulmaq üçün özəl klinikalarını bağlamışdılar. Heyət aparıcı İsrail həkimlərindən ibarətdir: göz və göz qapaqlarının plastik cərrahiyyəsi üzrə mütəxəssis Dr. Yoav Vardizer, katarakt əməliyyatı və gözün buynuz qişasının transplantasiyası üzrə mütəxəssis, okuloplastika cərrahı, Barzilai xəstəxanasının oftalmologiya şöbəsinin keçmiş müdiri Dr. Şmuel Levartovski, Barzilai tibb mərkəzinin oftalmologiya şöbəsinin baş həkimi, Dr. Qalina Şoloxov, Hayfadakı Rambam Xəstəxanasının Oftalmologiya şöbəsinin retina şöbəsinin müdiri, Dr. Yore Barak, baş və boyun ağrılarının müalicəsi üzrə mütəxəssis Servikal Dr. Oved Daniel.
Dr. İşay Falik Eurasia Diary-yə müsahibəsində özü haqda danışıb.
Cəmilə Çebotareva
