Xərçəng hər bir insan üçün ən dəhşətli diaqnozlardan biridir.
Onkoloji xəstəliklər ölüm səbəblərinə görə üçüncü yerdə durur səbəbidir. Bununla yanaşı, bu xəstəlikdən sağalma halları da az deyil. Xərçəng bir hökm deyil, vaxtında üstünə düşmək lazımdır. Bir çox məşhurlar və bizə məlum olmayan insanlar əməliyyatla götürülməsindən sonra xoşbəxt yaşayırlar.
Düzgün diaqnozdan sonra uzun ömrün açarı: vaxtında edilmiş cərrahiyyə, radiasiya terapiyası, kimyəvi terapiya və əlavə dəstəkləyici terapiya.
Xərçəngin nə olduğunu anlamaq vacibdir.
Xərçəng müəyyən xüsusiyyətlərə malik olan bədxassəli bir şişdir:
nizamsız sürətli böyümə qabiliyyəti;
metastaz vermək qabiliyyəti (limfatik və qan yolları ilə müstəqil şəkildə yayılır);
yerli dağıdıcı infiltrasiya prosesi.
Xərçəngin inkişaf mərhələləri.
1. İlkin mərhələdə genetik kodda və ya hüceyrə quruluşunda zədələnmə və ya dəyişiklik baş verir. Bu isə hüceyrəni xərçəngə səbəb olan digər amillərə qarşı həssas edir.
2. Növbəti (gizli) mərhələdə dəyişdirilmiş hüceyrənin kanserogen amillərlə qarşılıqlı təsiri baş verir. Əksər xərçəng xəstəliklərinin gizlilik dövrü 10 ilə 40 il arasındadır.
3. Proqressiv mərhələdə hüceyrənin nəzarətsiz böyüməsi və sağlam toxumaları məhv edən şişlərin əmələ gəlməsi başlayır.
4. Metastazların əmələ gəlmə mərhələsi ən təhlükəli mərhələdir, çünki şişlər hər hansı bir həyati orqanda əmələ gələ bilər.
Hər gün hər insanda 10 min mutant xərçəng hüceyrəsi yaranır və immun sistemimizin qatil hüceyrələri onları məhv edir. Ancaq stres, düzgün olmayan qidalanma və həyat tərzi, həddindən artıq günəş vannası qəbul etmək və vitamin çatışmazlığında immun sistemi belə bir xərçəng hüceyrəsinin yarnmasınıa şərait yarada bilər və proses beləcə başlayır ...
Bir çox xərçəng formaları müalicə olunur: döş, prostat, bağırsaq, uşaqlıq boynu xərçəngləri.
Xəstəliyin erkən aşkarlanması bu vəziyyətdə çox vacib rol oynayır.
Xərçəngin erkən mərhələdə diaqnozunun qoyulması üçün xüsusi skrininq müayinələri aparılır.
Eurasia Diary bu dəhşətli xəstəliklə mübarizə aparan bir qızın - vizajist Natalya İsmailovanın hekayəsini təqdim edir
"Xərçəng mütləq ölüm deyil. Heç vaxt təslim olma - ruhdan düşmə" - İ. Natalya
Cəmilə Çebotareva