"Hazırda xəstələrin yarıdan çoxu “Omicron”a yoluxub" - Həkim infeksionistdən YENİ İDDİA - ednews.net

21 May, Şənbə

(+994 50) 229-39-11

"Hazırda xəstələrin yarıdan çoxu “Omicron”a yoluxub" - Həkim infeksionistdən YENİ İDDİA

Səhiyyə A- A A+

Ölkədə “Omicron” ştammına yoluxma halının qeydə alınması əhali arasında ciddi narahatlığa səbəb olub. Yeni ştammın yayılması qış mövsümünə təsadüf etdiyindən, bu, artan xəstəlik hallarının əlamətləri ilə bağlı çaşqınlıq yaradır. 

İnfeksionist həkim Vüqar Cavadzadə düşünür ki, hazırda yoluxanların üçdə bir hissəsi, bəlkə də 50%-i “Omicron”un hesabına düşür. O, bu barədə Ednews-a açıqlamasında deyib.

“Son həftədə yoluxma sayında nisbətən artım var. Yoluxanların sayı artıq min nəfəri keçmək üzrədir və onların arasında uşaqlar, orta yaşlılar daha çoxdur. Həmin xəstələrdə “Omicron” ştammına daha çox uyğun gələn əlamətləri görürük. Amma bunu tam dəqiq laboratoriya nəticələri deyə bilər. Düzdür, bu ştammın spesifik əlamətləri yoxdur. Bu ştammın digər respirator virus infeksiya ilə oxşarlığı çoxdur və bu iki xəstəliyi ayırmaq olmur. Amma onda müşahidə olunan burun axması, boğaz ağrısı, burun tutulması, döş sümüyü arxasında ağrıların olması, baş ağrısı kimi əlamətlər “Omicron”da rast gəlindiyi üçün testi pozitiv çıxan xəstələrdən bilmək olur ki, bu həmin ştamma yoluxub. Digər test verməyən insanlarda bu əlamətlər görüldükdə təsəvvür etmək olur ki, bu “Omicron”dur”.

V. Cavadzadə yeni ştammın yoluxuculuq səviyyəsindən danışarkən bildirib ki, “Omicron”da yoluxuculuq qabiliyyəti koronavirusun "Delta" variantından dörd dəfə yüksəkdir.

"Amma öldürücülük qabiliyyəti "Delta"dan dəfələrlə azdır. Bir sıra ölkələrdə aparılan müşahidələr göstərir ki, "Omicron"da öldürücülük xüsusiyyəti "Delta" ştammı ilə müqayisədə 75 % azdır”,- deyə V.Cavadzadə qeyd edib.

Gülnar Səlimova

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...