“Meymun çiçəyi”nin ölüm təhlükəsi çoxdur”.
Bu fikri Ednews-a infeksionist-hepatoloq Mərdan Əliyev son zamanlar sıx müşahidə olunan“Meymun çiçəyi” virusu ilə bağlı danışarkən deyib.
Söhbət zamanı infeksionist virusun yeni olmadığını da diqqətə çatdırıb.
O, qeyd edib ki, virus ilk dəfə 1950-ci ildə aşkar olunub.
“Bu xətəlik tənəffüs yolu ilə yoluxan xəstəlikdir. Lakin COVID kimi sürətli yayılma qabiliyyətinə malik deyil. Məsələn, bir koronavirus xəstəsi 2-3 nəfəri yoluxdura bilirsə, bu virusda vəziyyət belə deyil. Virusun yoluxdurma əhatəsi çox aşağıdır. Həmçinin yoluxma prosesi qısa müddət ərzində olmur. Koronavirusda bir saniyə təmas kifayət edirsə, “meymun çiçəyi”ndə isə bu proses uzunmüddət tələb edir. Yəni gərək xəstə ilə dəqiqələrlə təmasda olasan ki,”Meymun çiçəyi” virusuna yoluxasan”.
Mərdan Əliyev virusun hansı yollarla yoluxduğunu da açıqlayıb:
“İnsan virusun daşıyıcısı ilə uzun müddət və yaxın kontaktda olarsa o zaman o, yoluxma riski altına düşür. Bundan başqa tüpürcək, tənəffüs sistemi möhtaviyyatı, dəridə olan səpkilərin içindəki irininn toxunduğu əşyalarla təmasda olunarsa da bu təhlükə arta bilər”.
Ekspert xəstəlikdən qorunmağın yollarından da söz açıb.
“Mütləq gigiyena qaydalarına əməl edilməlidir. Həmçinin maska taxmaq vacibdir. Əsas məsələ isə həmin xəstənin təcrid olunmasıdır. Bizdə hələki yoluxma yoxdur. Xaricdən gələnləri diqqətdə saxlamalıyıq, onları təcrid etməliyik”.
İnfeksionist bildirib ki, virusun inkubasiya dövrü 2 həftədir:
“Xəstə ilə təmasdan 2 həftə sonra yoluxma müşahidə edilə bilər. Yoluxan şəxsdə 39-40 dərəcə qızdırma, baş ağrısı, ürəkbulanma, halsızlıq müşahidə olunur. Bundan başqa yoluxduqdan 2-3 gün sonra dəridə səpkilər ortaya çıxır.
Səpki iri olur və bütün bədəni əhatə edir. Suçiçəyinə oxşayır, lakin iri və təhlükəlidir. Sağalandan sonra isə yaraların izi qala bilir”.
Mərdan Əliyev qeyd edib ki, xəstəliyin ölüm təhlükəsi çoxdur:
“Əvvəllər ölüm təhlükəsi 10 faiz idi. İndi tibb elminin inkişafı ilə əlaqədar 4-5 faizə düşüb. Təqribən 100 nəfərdən 50-si ölə bilər. Koronavirusda bu 2-3 faizdir”.
Xanlar Əlibəy
