Son zamanlar Cənub qonşumuz olan İranda Vəba xəstəliyi kəskin şəkildə yayılıb. Hazırda orada 62 nəfərdə Vəba virusu aşkarlanıb. Bildirilib ki, yoluxanların əksəriyyəti qısa müddətdə qonşu ölkələrə səfər edərək geri qayıdıblar. Vəba xəstəliyi yoluxucu xəstəlikdir və insanlar arasında sürətlə yayılır.
Bəs bu yoluxucu xəstəlik ölkəmizdə də yayıla bilərmi? Çünki bəzi xəstəliklərin ölkədən ölkəyə keçmə riski çox böyükdür.
İnfeksionist Mərdan Əliyev Ednews-a açıqlaması zamanı bildirib ki, vəbanın yayılması üçün yalnızca insan faktoru lazımdır. Yəni bakteriya daşıyıcısı olan insan təmas zamanı digər şəxslərəbunu yoluxdura bilər.
“Viruslar ölkədən-ölkəyə insanlar vasitəsilə yoluxur. Xəstə şəxs İrandan Azərbaycana gələrsə Azərbaycanda da yoluxma ola bilər. Ancaq belə təhlükə varsa çalışmaq lazımdır ki, sıx təmas olmasın. Təmizliyə maksimum dərəcədə diqqət etmək lazımdır. Bunun ancaq hava və su yolu ilə İrandan gəlmə ehtimalı yoxdur. Vəba yalnız insan təması vasitəsilə yoluxur, başqa cür mümkün deyil”.
Bəs ümumiyyətlə bu xəstəlik necə yaranır, qorunma üsulları nələrdir? Mərdan Əliyev bildirib ki, vəbadan qorunmanın əsas yollarından biri təmizliyə riayət etməkdir.
“Bu xəstəlik bağırsaq infeksiyasıdır. Bakteriyaların nazik bağırsaqda iltihabı nəticəsində ishal verir və bu səbəbdən orqanizmdə olan su və mineral maddələrin sovurulması nəticəsində insan ölümü baş verir. Əsasən nəcisdə olan bakteriyasların əl vasitəsilə ağzımıza getməsi nəticəsində yoluxma baş verir. Ancaq vəbadan əvvəl bir iki epidemiya olur. O isə su yolu ilə yoluxur. Əsas da gigiyena şərtləri az və ümumən olmayan yerlərdə xəstəlik yayılır bu da inkişaf etməkdə olan və geridə qalmış ölkələrdə müşahidə olunur”.
Ləman Abbaslı