Məlum olduğu kimi yəhudi müdrikliyi dünyada çox məşhurdur.

Eurasia Diary AzEdu.az-a istinadən 5 yəhudi məşhurun müdrik fikirlərini təqdim edir:

Birinci yəhudi müdrikin sözlərinə görə, insanların bütün işləri ona görə pis gedir ki, onlarda bax burada (əli ilə başını göstərərək) hər şey pisdir. Bu fikirlər Misirdə doğulmuş yəhudi əsilli Musa peyğəmbərə aiddir.

İkinci yəhudi müdrikin sözlərinə görə, insanların bütün işləri ona  pis gedir ki, burada (ürəyi göstərək) hər şey pisdir. Bu sözləri isə İsa peyğəmbər deyib.

Üçüncü yəhudi insanların bütün işlərinin pis olmasını ciblərinin boş olması ilə əlaqələndirirdi. Bu iddiaları filosof, siyasətçi, sosioloq, iqtisadçı, Marksizm nəzəriyyəsinin banisi, "Kommunist Manifesti" və "Kapital" əsərlərinin müəllifi Karl Marks irəli sürürdü.

Dördüncü müdrikin sözlərinə görə, insanların bütün işi ona görə pisdir ki, onlarda bax burada (kəmərdən aşağını göstərərək) vəziyyət pisdir. Bunu da psixoanaliz elminin banisi, məşhur nevroloqist Freyd demişdi.

Beşinci yəhudi müdrik hesab edirdi ki, əslində insanların işləri elə də pis deyil, çünki həyatda hər şey nisbidir. 5-ci bənd isə müasir nəzəri fizikanın yaradıcılarından biri, fizika üzrə Nobel mükafatçısı Albert Eynşteynə aiddir.