Rusiyanın Xakasiya muxtar respublikasının Şirinsk rayonunun başçısı Sergey Zaytsev ona sərt sual verən jurnalisti yerə çırpıb. Buna səbəb isə ünvanlanan sualın xoşuna gəlməməsi olub. Belə ki, "Rossiya 24" kanalının əməkdaşı İvan LitominZaytsevə keçmiş məhkumluğu, o cümlədən korrupsiya və mənimsəmə faktı ilə bağlı sual verib.
Adıçəkilən rayon rəhbəri, "Vahid Rusiya" partiyasının üzviisə kanalın əməkdaşını təxribatda ittiham edib. "Hesab edirəm ki, bu planlaşdırılmış aksiya idi. Qeyri-iş vaxtı kabinetə daxil olub, kandardaca məni ittiham etməyə başlayıblar. Guya mənim kriminal keçmişim var, rəhbər vəzifə tutmaqdan utanmırammı?. Bu 10 dəqiqə ərzində davam edib".
Zaytsev deyib ki, mətbuat nümayəndəsini otaqdan çıxarmağa cəhd edib. lakin o müqavimət göstərib.
Jurnalistin sözlərinə görə, onlar öz peşə borclarını icra etmək üçün dövlət məmurunun yanına gəliblər. "Biz, dörd il öncə baş verən yanğınzan zərəçəkən insanların nə üçün qeyri-insanı şəraitdə yaşadıqları ilə maraqlanmaq istəyirdik".
Baş verənləri isə jurnalistin yanındakı operator anbaan lentə ala bilib. "Rossiya 24" kadrları yayımladıqdan sonra Rusiya İstintaq Komitəsi ona sərt sual verdiyi üçün jurnalisti yerə çırpan rayon başçısı barədə cinayət işi qaldırıb.
“Vahid Rusiya” partiyası isə Zaytsevin hərəkətinə görə üzr istəyib.