Azərbaycan televiziyasının aparıcısı Mümtaz Arifoğlu efirdə hisslərinə hakim ola bilməyib.

Eurasia Diary xəbər verir ki, aparıcı Minskdə keçirilən Avropa oyunlarında qızıl medal qazanan idmançımız Mahir Əmiraslanova dəstək olub. O həmin kadrları sosial şəbəkə hesabında paylaşıb və ürək sözlərini yazıb:

"Efirdə belə vəziyyətləri sevirəm. Qəflətən dedilər ki, qızıl medal qazanmışıq, Minskə bağlanmalıyıq. Ürəkdən bağlandıq. Coşub, İdmançımıza qoşulub himn oxudum".

Qeyd edək ki, güləşçimiz Mahir Əmiraslanov 57 kq-da mübarizə aparıb. Serbiyalı idmançını finalda məğlub edərək ölkəmizə ilk qızıl medalı qazandırıb.

Xatırladaq ki, Mümtaz Xəlilzadə Azərbaycan Televiziyasında xəbərlərlə yanaşı, idman Azərbaycan kanalında intellektual veriliş olan "IQ Arena"nın da aparıcısıdır.