"Mediaxeberleri.az" saytının baş redaktoru Ələddin Qarayev "feysbuk"da Ağstafa rayonu ilə bağlı “maraqlı” foto paylaşıb.
Eurasia Diary xəbər verir ki, fotoda rayonun adının əks olunduğu löhvədə “Ağstafa” sözünün səhv yazılması diqqət çəkib.
Belə ki, “Ağstafa” sözü lövhədə “Ağtafa” kimi yazılıb.
"Ağstafa yazmaq əvəzinə, Ağtafa yazıb. Maşını saxlayıb irad bildirirəm ki, düzgün yazmırsınız şəhərin girişinə. Deyir icra hakimiyyətinin başçısı nə deyib, onu edirik. Mən də bu adamın adını belə təqdim edəcəm, nizamin qulyev, rayon icra hakimiyyətinin başçısı", - deyə jurnalist yazıb.
Xatırladaq ki, Ağstafa rayon İcra Hakimiyyətinin başçısı Nizaməddin Quliyevdir. O, bu vəzifəyə bu ilin aprelində gətirilib. Buna kimi Nizaməddin Quliyev Goranboy rayonunun icra başçısı olub.