Rusiya zənginləri 2019-cu il daxil olduqdan bəri 28,316 milyard dollar varlanıblar.
Eurasia Diary xəbər verir ki, bu barədə “Bloomberg Billionaries İndex” (BBİ) reytinqi açıqlayıb. Rusiyalı zənginlər arasında dünyanın ən zəngin azərbaycanlısı, “Lukoyl” şirkətinin prezidenti Vahid Ələkbərov da var. Yanvar ayında bəri sərvətini daha 2,13 milyard dollar artıran iş adamının 18,2 milyard dollar pulu var. O bu göstərici ilə dünyanın 100 zəngini arasında 54-cüdür.
Ən varlı iş adamı “Amazon” şirkətinin prezidenti Cef Bezosdur. Amerikalının 111 milyard dollar pulu var. Bu yanvar ayı ilə müqayisədə 14,1 milyard dollar azdır. Sərvətini 16,4 milyard dollar artıran “Microsoft”un keçmiş sahibi Bill Geytsin 107 milyard dollar sərvətlə 2-ci pillədə qərarlaşıb. Fransanın ən zəngin iş adamı Bernard Arno isə 27,6 milyard dollar varlanaraq 96,2 milyard dollar gəlirlə “üçlüyü” qapadır.
İş adamı Uorren Baffet 79,7 milyard dollarla 4-cü , “Facebook” yaradıcısı Mark Zukerberq isə 72,4 milyard dollarla fəxri 5-ci pillənin sahibidir. (modern.az)