Amazon meşələrində Venesuela ərazisində itirilmiş bir dünya var. İndiyə qədər də bu dünyanı tamamilə kəşf etmək mümkün olmayıb. "Eurasia Diary" əsrarəngiz dünya haqqında təqdim edir:
Rorayma dağı-sanki bir memar tərəfindən ustalıqla yaradılmış bir əsərdir. Masa formasında olan bu dağın öz əsrarəngiz təbiəti və canlı aləmi ilə dünyada tayı-bərabəri yoxdur.
Maraqlısı odur ki, 2 min 770 metr yüksəkliyində olan bu dağda şəlalər çoxdur. Alimlər hələ də bu qədər hündürlükdə olan bir dağda şəlalələrin hardan yaranması haqqında biliklərə tam yiyələnmiyiblər. Masa dağda olan bitki və heyvanat aləminə düntyanın heç bir yerində rast gəlinmir. Uzun müddət yerli əhali bu dağa yaxın gələ bilməyib. Sakinlərdə elə bir fikir yaranıb ki, bu dağlar insa əlilə yaradılıb.Dağın ətəyindən tutmuş zirvəsinə qədər coğrafi aləm tamamilə fərqlidir. Dağın bəzi yerləri saf qranitdəndir. Dağ sərt kuvars daşından ibarətdir.
Dağın zirvəsində isə saysız-hesabsız mağara və tunellər yerləşir. Bu tunellər içərisində uzunluğu təxminən 500 metr olan mağaralar var. 44 metr yüksəkliyində və tamamilə kuvars tunellər, burada araşdırma edən alimləri heyrətləndirib.
Rorayma dağının ətrafı aləmdən təcrid olunduğu üçün müxtəlif təbii bitki aləminə və canlılara malikdir. Bu dağda yaşayan heyvanlar və bitən bitkilər dünyanın heç bir yerində yoxdur. Dünyanın ən kiçik qurbağası da burada yaşayır.
Rorayma dağı haqqında ilk məlumatı 1935-ci ildə venesuelalı pilot Xuan Anhel verib. O, Orinoko çayı üzərindən uçarkən radarlardan itir. O, xəritədə qeyd olunmayan bir çay görür. Çay sayəsində cəngəllikdən çıxa biləcəyini düşünən pilot bir də görür ki, iki dağın arası ilə uçur. Təyyarəni Rorayma dağının üzərinə endiri və bataqlığa düşür. Bataqlıqdan təyyarəni çıxarda bilmir. Rorayma dağından piyada düşməyə məcbur olur. İki həftəyə Roraymanı gəzən Anhel gördüklərinə qələmə alır. Ona heç kəs inanmır. Nəhayət 1960-ci illərdə bu dünyanı kəşf etmək üçün cəhdlər edilir.
Rorayma dağı dünyanın ən nəmli yerlərindən biridir. burada güclü yağışlar yağır. İldirim çox çaxır. Alimlər hələ də nəyə görə, məhz Rorayma dağında ildırımın çox çaxması ilə bağlı bir nəticəyə gəlməyiblər. Dağın hər tərəfində ildırımın izləri var.
Dağın hər tərəfindən su damcılayır, şəlalə axır. Güclü axın qarşısına keçən hər şeyi yuyub aparır.
Qayalarda çoxlu mamırlar var.
Rəngli gölməçələr isə göz oxşayır.
Təbiət özü burada sənət əsərləri yaradır. Daşlar özünəməxsus formada düzülür.
Roraima Dağı ve Bitki Yaşamı by BelgeselGunluguOfficial