Sosial şəbəkələrdə bu ilin aprel ayında Yutubda paylaşılan və Ukrayna nəşri olan “Obozrevatel”in mətbuat mərkəzində qeydə alınan video geniş müzakirələrə səbəb olub. Belə ki, erməni aşpaz qadın ukraynalı aparıcının Ukrayna və Ermənistan milli mətbəxləri barədə suallarına cavab verməli olub.
Eurasia Diary xəbər verir ki, aparıcının erməni milli mətbəxinin ən məşhur xörəyinin adını çəkmək xahişinə aşpaz qadın “dolma” cavabını verib. Daha sonra aparıcı “dolma nədir?” sualını səsləndirib.
Təbii ki, bu sual erməni üçün nokaut təsiri bağışlayıb. O, Azərbaycan (türk) mənşəli sözü “ermənicə” izah edə bilməyib, uzun fasilədən sonra “üzüm yarpaqları və ət” cavabını verib.
Qeyd edək ki, Azərbaycan milli mətbəxinə aid olan dolma “doldurmaq” felindən əmələ gəlib və tam olaraq bu xörəyin hazırlanma texnologiyasını əks etdirir.(kult.az)