Bir qrup şəxs Naberejnıye Çelnıda (Tatarıstan, Rusiya) yerləşən Şaurma fast-food restoranına atəş açaraq hücum ediblər. Bu barədə Eurasia Diary kazanfirst.ru-ya istinadən xəbər verir.
Məlumata görə, dəstə kafeyə daxil olaraq oranın işçilərini döşəməyə uzandıb və travmatik silahlardan atəş açmağa başlayıb. Sonra hücumçular restoran avadanlığını yararsız hala salıblar.
Hadisənin baş verdiyi anlar lentə alınıb. Videoda avtomobildə əyləşən bir kişi hadisənin səbəbi olaraq aşpazın toyuq kababı yerinə donuz kababı gətirməsindən sonra baş verdiyini söyləyir.
Onun sözlərinə görə, qonaq, aşpazı belə bir "əvəzetmə" üçün bağışlamadığını və daha sonra "hesablaşmaq" üçün yanında bir neçə nəfərlə restorana qayıtdığını iddia edib. Kişinin dediyinə görə, hadisə zamanı erməni aşpazın barmağını balta ilə kəsiblər. Lakin Rusiya erməniləri birliyi bu məlumatı təkzib edib. Birlik həm Tatarıstanda, həm də Moskvada müvafiq şöbələrlə əlaqə qurduqlarını qeyd edib.
Rus mənbələrinə görə, "Xuliqanlıq" maddəsi ilə cinayət işi başlanıb. Bir neçə nəfər saxlanılıb. Rusiya DİN Naberejnıye Çelni dairəsinin Komsomolski polis idarəsi hadisənin digər iştirakçılarının axtarıldığını elan edib. Xüsusilə, 26 yaşlı Qalin Georgi Konstantinoviç, 30 yaşlı Terentyev Danil Vyaçeslavoviç, 23 yaşlı Mustafin Ramil Raşitoviç və 26 yaşlı Uşakov Maksim Alekseyeviç axtarışa verilib.
