Yer kürəsindəki suların yalnız 2,5%-i şirin su ehtiyatıdır. Şirin suyun da təxminən 70%-i buzlaqlardadır. Beləliklə, əlçatan şirin suyun miqdarı dünyanın ümumi su ehtiyatının 1%-indən azdır. Yer kürəsindəki sular sürətlə tükənir. Buzlaqların tamamilə əriyəcəyini gözləməyəcəyiksə, tək seçim dəniz sularını içməli vəziyyətə gətirməkdir.
EDNews.net xəbər verir ki, qlobusda gördüyümüz mavi rəngin 97,5%-ni dəniz suyu təşkil edir.
Hazırda alimlər sürətlə yaxınlaşan quraqlıq səbəbi ilə dəniz suyunun içməli hala gətirilməsini müzakirə edirlər. Dünyada 16 mindən çox duzsuzlaşdırma, yəni dəniz suyu təmizləyici qurğu var. Bu qurğuların demək olar ki, hamısı yüksək gəlir səviyyəsi olan ölkələrdədir. Buna səbəb isə bu işin olduqca baha olmasıdır.
Təsəvvür edin, milyardlarla litr dəniz suyunu qaynatmaq və duzu təmizləmək üçün yüksək enerji tələb olunur. Alimlər günəş və külək enerjisindən istifadə etməklə yol tapmağa çalışsalar da, hazırda bu, problemi həll etməyə yetərli deyil.
Saf suyun ən vacib xüsusiyyəti, adından başa düşüldüyü kimi, minerallar da daxil olmaqla, bütün maddələrdən təmizlənməsidir. Bu, təmiz suyun hipotonik xüsusiyyətidir. İnsan hüceyrəsi saf suyu içinə çəkərək şişir və sonunda partlayır. Beləliklə, alimlər insan sağlamlığı üçün saf suyun zərərli olduğunu bildirirlər. Buna görə də dəniz suyundan əldən olunan sulara içməli su kimi istifadə oluna bilməsi üçün bir sıra mineral maddələr qarışdırılır.