Əksər ölkələrdə adi sayılan bir çox şeylər Səudiyyə Ərəbistanında qadağandır.
Ölkədə kinoteatrlar 35 il qadağan olunub. Yalnız 2018-ci kinoteatrları yenidən bərpa edilib. Qeyd edək ki, kinoteatrlar 1970-ci ildə mühafizəkar ruhanilərin təzyiqi nəticəsində bağlanıb.
Ümumiyyətlə, Səudiyyə Ərəbistanında indiyə qədər bəzi qadağalar mövcuddur.
İlk sıranı qadın hüquqları alır…
.jpg)
Bu ölkədə bir çox müsəlman ölkələrində olduğu kimi qadınlar, azadlıq hüququndan məhrumdur. Bu hətta onların geyiminə də yansıyıb. Qadınlara açıq-saçıq geyinməyə icazə yoxdur və onlar küçədə mütləq başı bağlı gəzməlidir. Qadınlar küçədə, cəmiyyət içində, hətta tanımadığın və “naməhrəm” sayılan əks cinslərin yanında çadra, niqab və hicabda olmalıdır. Geyimdən savayı qadının yanında tanıdığı kişi nümayəndəsi (atası, qardaşı, əri, oğlu, dayısı) olmalıdır. Onsuz qadın nə işə düzələ bilər, nə ölkəni, nə də yaşayış yerini tərk edə bilər.
Lakin 2017-ci ildən ölkənin şahzadəsi bu qanun yumşaldaraq, qadınlara sərbəst şəkildə təhsil ocaqlarına və xəstəxanalara, 2018-ci ildən bəri isə onlara sərbəst maşın idarə etmək və idman zallarına baş çəkə bilmək hüququnu verib.
Ölkədə rəqs də qadağa siyahısındadır..
Səudiyyə Ərəbistanda küçədə hər hansı bir şəxsin rəqs etməsi qəti-qadağandır. Hətta bu səbəbdən 2017-ci ildə Ciddə şəhərində “Makarena” rəqsini oynayan gənci həbs edilib.
“Müqəddəs Valentin günü”…
Dünyanın bir çox yerlərində “sevgililər günü” kimi qeyd olunan “Valentin” də bu ölkədə qadağandır. Bu günü nəinki qeyd etmək, hətta küçədə qızılgüllərin, və bayrama özəl hazırlanmış hədiyyələrin satışı belə qəti qadağandır.
“Pokemon Go” video oyunu…
Bir vaxtlar hər kəsin sevimli oyunu olan “Pokemon Go” 2016-cı ildən ölkədə qadağan olunub. Ölkədə təkcə oyun deyil, hətta “Pokemon”ları xatırladan oyuncaqların satışı ilə belə məşğul olmaq olmaz. Onların dediyinə görə, bu oyunda mason və sionist simvolizmdən istifadə olunur.
“Harri Potter” qadağası…
Müəllifi Coan Ketlin Roulinq olan məşhur “Harri Potter” əsəri də Səudiyyə Ərəbistanında qadağa edilənlər siyahısındadır. Çünki hökümət hər hansı bir sehr və ya caduya son dərəcə ciddi yanaşdığından əsərin bütün kitablarını satışına və filmlərin göstərilməsinə qadağa qoyulub.
Qeyd etmək lazımdır ki, Səudiyyə Ərəbistanında cadu və cadugərlik ölümlə cəzalandırılır. Bununla mübarizə üçün ölkədə xüsusi polis bölməsi var.
Kilsələr və məbədlər…
Kilsələr və digər dinlərə mənsub məbədlər də Səudiyyə Ərəbistanında haram buyrulub.
Səudiyyə hökuməti xristianların ölkəyə girişinə icazə verməsinə baxmayaraq, onların açıq yerlərdə ibadət etməsini qəti-qadağan edib.
Həmçinin, ölkədə kilsələrin tikintisi də qadağandır. Xristianlar yalnız öz evlərində ibadət edə bilərlər.
İsrailin yəhudi vətəndaşlarının ölkəyə girişi hələ də qadağandır. Bununla yanaşı minlərlə müsəlman Ərəb - İsrail vətəndaşları hər il İsrail pasportları ilə Məkkəyə həcc ziyarətinə gedirlər.
Foto qadağası…
Gözəl mənzərəni xatirə olaraq, fotoaparatla şəklini çəkmək kimi hallar Səudiyyə Ərəbistanda mövcud deyil. Çünki burda fotoaparat və ya telefonun kamerası ilə ölkədə bina və şahın iqamətgahını çəkmək qəti-qadağandır. İnsanlar bunun üçün xüsusi icazə arayışı almalıdırlar.
“Piknik” qadağası…
Yaz, yay fəslinin əvəzolunmazı olan çəmənliklərdə qurduğumuz “pikniklər”ə də ölkədə icazə yoxdur. Öz evindən kənar parkda və ya hansısa istirashət mərkəzində piknik düzənləmək Səudiyyə Ərəbistanda qadağan hesab olunur.
Qara sıyahıya salınan adlar…
Növbəti qadağa olunan hallardan biri də təzə doğulmuş körpələrə qoyulan adların “qara siyahıya” düşməsidir. Bu siyahıya Məlik, Bünyamin, Nəbi, Nəbiyə, Nasir və s. kimi adlar daxildir. Bu adların qara siyahıda olma səbəbi İsraillə olan münasibət, siyasi və dini məsələlərə dayanır.
Şərab və donuz əti…
Bütün müsəlmanlar üçün haram sayılan spirtli içki və donuz əti də Səudiyyə Ərəbistanda qəti-qadağandır. Bu məhsulların istehsalına, satışına və hətta, xarici ölkələrdən gətirilməsi qadağan hesab olunur. Həmçinin, halal kəsilməmiş digər ət məhsulları da haram və qadağa olunmuş sayılır.
Rəna Mürşüd
.jpg)
