Qoşunlar gəldikləri gün El Salvadorun bu olduqca kasıb bölgəsini ərzaqla təmin edəcəklərini vəd etdilər. Əvəzində kəndliləri çöllük əraziyə yığıb kütləvi şəkildə qırdılar. 1981-ci il dekabrın 10-dan 12-dək El Mozote yaxınlığında qışqırıq səsləri itlərin ulaşmasına qarışdı.
Ordu ölkədə hakimiyyəti ələ keçirməyə çalışan qondarma “kommunistləri” məhv etmək əmrini almışdı və kəndlilər əsas hədəflər sırasında idi.
Onların bir çoxu bölgədə güclənmiş üsyanı dəstəkləməkdə günahlandırılırdı. El Salvadorun yaşadığı bütün dəhşətlər arasında El Mozote qətliamı bəlkə də ən dəhşətlisidir: üç gün ərzində qan töküldü, nəticədə ən azı 986 nəfər (552 uşaq və 12-si hamilə qadın olmaqla 434 nəfər) öldürüldü. Faciədən qırx il keçməsinə rəğmən nə Martinez, nə də sağ qalanlar təzminat almadılar.
Latın Amerikası ölkəsi El Salvadorda ABŞ-ın dəstəklədiyi hökumətin ölkənin şimal-şərqində yerləşən Mozote kəndində 1981-ci il dekabrın 10, 11, 12-də vətəndaş müharibəsi zamanı törətdiyi qırğın Latın Amerikasında sonuncu böyük qırğın hesab olunur.
Aradan 39 il keçməsinə baxmayaraq, Latın Amerikasında son böyük qırğına görə mülki şəxslərin ailələrindən hələ də üzr istəməyiblər. Hökumət orduya nəzarəti davam etdirir.
Gülnar Səlimova