Səhər yeməyi günün ən vacib hissəsi hesab edilir. Lakin yaşadığınız ölkədən asılı olaraq "səhər yeməyi" anlayışı fərqli ola bilər. Məsələn, Amerikada səhər yeməyi üçün bekon və ya kolbasa yemək normal sayılsa da, Taylandın səhər yeməyində balıq və düyü yeyilir.
Ednews xəbər verir ki, bir çox fərqli ölkələrə səyahət edən və bu ölkələrin yemək mədəniyyətləri ilə yaxından tanış olan Viktoriya Filpot getdiyi hər ölkədə səhər yeməyi süfrələrinin fotolarını çəkib.
İran: Bol çeşidli səhər yeməyi
Kərə yağı və mürəbbə ilə yeyilən “Naan” çörəyi ənənəvi İran səhər yeməyinin ayrılmaz hissəsidir.Eyni zamanda “Halim” adlı yemək də kifayət qədər əhəmiyyət kəsb edir. Halim - Qiymə, buğda, darçın, yağ və şəkərin qarışdırılması ilə hazırlanır.Zövqə görə soyuq və ya isti servis edilir. Bundan başqa, İranda səhər yeməyi süfrəsində müxtəlif omletlər də görmək mümkündür.
Filippin: Meyvəsiz səhər yeməyi mümkünsüzdür
Filippində səhər yeməyində manqo, düyü, az miqdarda kolbasa və yerli meyvələrə rast gəlinir. Bunlara əlavə olaraq, ən məşhur səhər yeməyi “Sinanqaq” hesab edilir. Bu yeməyi hazırlamaq üçün sarımsağı duzla qovurub lobya, yumurta və ya ət kimi inqrediyentləri əlavə etmək lazımdır. Tropik meyvələr isə Flippində səhər yeməyinin ayrılmaz hissəsi hesab olunur.
Şotlandiya : Yumurtasız səhər yeməyi olmaz
Şotlandiyada səhər yeməyi İngilislərin ənənəvi səhər yeməyinə bənzəyir. Burada səhər yeməyi yeyərkən boşqabınızda qızardılmış yumurta və Lorne kimi tanınan kvadrat kolbasa görmək mümkündür. Həmçinin, konservləşdirilmiş lobya və donuz əti səhər yeməyi üçün mütləqdir. Sözügedən səhər yeməyi qəhvə və südlü çayla servis edilir.
Almaniya: Pendirlərlə bol səhər yeməyi süfrəsi
Ənənəvi Alman səhər yeməyində süfrədə çoxlu pendirlərə rast gəlmək mümkündür, çünki burada səhər yeməyi üçün pendir mütləqdir. Süfrədə bol kolbasa və bekon da görə bilərsiniz. Burada ən vacib qidalardan biri də təzə bişmiş, çox dənli alman çörəkləridir. Bu səhər yeməyi bir fincan qara qəhvə ilə servis edilir.
Fransa: Şirin səhər yeməyi
Əgər, şirniyyatı sevirsinizsə, Fransada səhər yeməyi tam sizlikdir! Süfrədə şokolad, yağ, qaymaq və ya badamla süfrəyə verilən ləzzətli kruasan tapa bilərsiniz.
İsveç: Taxılların Enerjisi ilə dolu səhər yeməyi
İsveçdə ən yaxşı səhər yeməyi “Pannkakor” kimi tanınan İsveç pankekləri hesab olunur. Bu pankeklər adətən üzərində şirin meyvə kremi ilə servis edilir. Bundan başqa, süfrədə çox taxıllı çörəklər, yulaf və qoz-fındıq tapa bilərsiniz. Eyni zamanda yoqurt İsveç səhər yeməyinin ayrılmaz hissəsidir.
Nəzrin Beydiyeva
.jpg)
