Bill Qeyts planet üçün əsl sarsıntı yaradacaq proqnoz verib.
Ednews xəbər verir ki, Microsoft-un qurucusu milyarder Bill Qeytsin sözlərinə görə, dünyada artan faiz dərəcələri bir gün qlobal iqtisadi tənəzzülə çevrilə bilər.
Sahibkar Ukraynadakı hadisələrin hazırkı vəziyyətini çox ciddi hadisə kimi qiymətləndirib və bu da qlobal iqtisadiyyata dəyən ziyan baxımından koronavirus pandemiyasının nəticələri ilə müqayisədə daha ağır olur.
Qeyts qeyd edir ki, Ukraynadakı münaqişə xammalın bahalaşmasına, logistika problemlərinin ağırlaşmasına və dövlət borcunun artmasına səbəb olub. Məmurların və aidiyyatı idarələrin inflyasiyanın qarşısını almaq cəhdləri faiz dərəcələrinin artması ilə nəticələnib.
Xatırladaq ki, daha öncə Qeyts qlobal iqtisadiyyatın pandemiyanın təsirlərindən tez sağalacağını proqnozlaşdırıb. Eyni zamanda, sahibkar yüksək yoluxucu faizi olan delta ştammının yaranmasına baxmayaraq, koronavirusun kəskin mərhələsinin 2022-ci ildə bitməsini bildirmişdi.
Səbinə Qədirova