Bəşəriyyətin sənəti qiymətləndirməsi və əsərlərin böyük maliyyə gəliri əldə etməsi üçün bəzən uzun illər lazım olur. Bu gün muzeylərin kolleksiyalarında dahi rəssamların bir çox əvəzolunmaz əsərləri nümayiş etdirilir. Bu əsərlərin satışı demək olar ki, qadağandır.
Şəxsi kolleksiyalardakı klassiklər və müasir sənət əsərləri indi əhəmiyyətli bir investisiya dəyəri hesab olunur və bəzilərinin qiymətləri ağlasığmaz məbləğlərə çatır.
Ednews dünyanın ən bahalı rəsm əsərlərinin siyahısını təqdim edir:
Salvator Mundi
Dünyanın ən bahalı rəsm əsəri hesab edilən Salvator Mundi (Dünyanın Xilaskarı) öz nüfuzuna və dəyərinə yaraşan sirli həyat hekayəsinə malikdir. Bununla bağlı müzakirələr olsa da, Leonardo da Vinçiyə məxsus olan rəsmin 1500-cü illərin əvvəllərində Fransadakı kral ailəsi üçün çəkildiyi təxmin edilir. Rəsmdə mavi İntibah paltarında təsvir olunan İsa sağ əli ilə xaç işarəsini göstərərkən sol əlində şəffaf qlobus tutur. Rəsm, digər Da Vinçi rəsmləri kimi mütəxəssislər tərəfindən tədqiq edilmiş saysız-hesabsız detallara malikdir.
Əsər,həmçinin, 1600-cü illərdə şahzadə Henrietta Maria ilə İngiltərəyə aparılır və 18-ci əsrdən 20-ci əsrə qədər yox olub. 1900-cü illərin əvvəllərində yenidən ortaya çıxıb. Onun 1958-ci ildə 50 funta satıldığı deyilir. Bundan sonra rəsmdən bir daha xəbər almaq mümkün olmur. 2005-ci ildən sonra rəsmin səyahəti yenidən başlayır. Onu ilk olaraq iki amerikalı çox ucuz qiymətə alır. Üzərində görülən işlər göstərir ki, rəsm Da Vinçinin özü olmasa da, onun emalatxanasından çıxıb və son toxunuşlar onun tərəfindən edilib. Rekord satış 2017-ci ildə baş tutub və gözlənilmədən Səudiyyə vəliəhdi Məhəmməd bin Salman tərəfindən 450 milyon 312 min 500 dollara alınıb. Sözügedən əsərin Əbu-Dabi Luvr Muzeyində sərgilənəcəyi bildirilsə də, bu nümayiş təxirə salınıb. Salvator Mundi-nin bu gün harada olması barədə dəqiq məlumat yoxdur.
Qeyd edək ki, Leonardonun tələbələri və davamçıları tərəfindən çəkilmiş rəsmin otuza yaxın nüsxəsi və versiyaları var.
Interchange (Dəyişdirmə)
Holland əsilli amerikalı rəssam Villem de Kooninqin “Interchange” tablosu dünyanın ən bahalı rəsmləri siyahısında ikinci yeri tutur. Rəsmin adı o vaxt rəssamın Nyu Yorkda yaşadığı məhəllədən götürülüb. Əsərin dəyərini təyin edən ən mühüm amillərdən biri, şübhəsiz ki, onun arxasında duran hekayədir. Pollakın 17A nömrəli tablosu kimi, “Interchange” ABŞ-da ilk yerli və müasir sənət hərəkatının meydana gəldiyi dövrü təmsil edir. Beləliklə, hər iki rəsmin satış rekordları qırması və eyni şəxsə məxsus olması təəccüblü deyil. Rəssamın 1955-ci ildə 4000 dollara satdığı tablo, 2015-ci ilin sentyabrında David Geffen Foundation tərəfindən Kennet C. Griffin-ə 300 milyon dollara satılıb.
“The Card Players” (Kart Oyunçuları)
Fransız rəssam Paul Cézanne'ın əsərləri, XIX əsr impresionizmi ilə XX əsr kübizmi arasında boşluğu doldurmalarıyla tanınır. Paulun son dövrünün şah əsəri olaraq qəbul edilən “The Card Players” düşülünənin əksine bir deyil, beş tablodan ibarətdir. 1890 və 1895 arasında yağlı boya ilə çəkilən bu tablolarının ölçüləri də bir-birindən fərqlidir. Bəzən birgə sərgilər üçün bir araya gəlsələr də, bu gün rəsmlərin hər biri ayrı-ayrı kolleksiyalardadır. Dünyanın ən bahalı rəsmlərindən biri Qətərdəki kral ailəsinə satılan versiyadır. Bu ailənin rəsm üçün yunan gəmi sahibi Corc Embirikosa 250 milyon dollar ödədiyi bildirilir.
“Nafea faa ipoipo”
Taiti dilində "Nafea faa ipoipo" "Nə vaxt evlənəcəksən?" deməkdir. 1892-ci ildə fransız post-impressionist rəssam Paul Gauguin tərəfindən yağlı boya ilə çəkilmiş bu tablo Taiti səfəri dövrünə təsadüf edir. Rəssam müstəmləkəçiliyin təsiri altında "saf və primitiv" sənət yarada biləcəyi cənnət tapmaq arzusunda idi. Rəsm öz adını nikah yaşına çatmış tahitili gənc qızların qulağına yapışdırılan tabloda diqqətimizi çəkən ağ çiçəkdən almışdır. Əsər, həmçinin, Rudolf Stachelin ailəsi tərəfindən 2015-ci ildə 210 milyon dollara Qətər əmirinin bacısı Şeyxa Əl-Mayassa bint Həməd Əl-Taniyə satılıb.
Nəzrin Beydiyeva