Dünyanın ən qəribə festivallar - “Ölülər Günü”, “La Tomatina” ,“Rio Karnavalı” – MARAQLI FAKTLAR - ednews.net

10 Avqust, Çərşənbə

(+994 50) 229-39-11

Dünyanın ən qəribə festivallar - “Ölülər Günü”, “La Tomatina” ,“Rio Karnavalı” – MARAQLI FAKTLAR

Maraqlı A- A A+

Hər il dünyada minlərlə festival keçirilir. Maraqlı hekayələr əsasında təşkil olunan bu festivallarda bir çox insan iştirak edir. 

Bu festivalların əksəriyyəti isə müəyyən rəvayətlər və inanclar əsasında formalaşıb. 

Ednews dünyada keçirilən ən qəribə festivalları təqdim edir: 

“La Tomatina”  - Pomidor festivalı (İspaniya)

Görənləri təəccübləndirən bu festivalın ispanlar üçün çox fərqli mənaları var. Lakin rəvayətə görə, hadisə 1945-ci ildə Bunol şəhərində keçirilən paradda başlayıb. Gənclər arasında baş verən davada tərəflər aldıqları pomidorları bir-birinə atmağa başlayıblar. 

O gündən bəri insanlar hər il buraya toplaşaraq bir-birinə pomidor atır və əyləncəli vaxt keçirirlər. 

“Notting Hill” festivalı  (London)

Notting Hill turistləri dünyada ən çox cəlb edən festivallardandır. Festival zamanı yüz minlərlə insan rəngli və iddialı geyimlər geyinərək Londonun Notting Hill səmtindəki yürüşlərdə iştirak edir. Qeyd edək ki, festival ilk dəfə 1960-cı illərdə Londonda yaşayan afrikalı mühacirlər tərəfindən mədəniyyətlərini tanıtmaq üçün təşkil olunub.

“Rio Karnavalı” (Rio de Janeyro)

Braziliya deyildikdə ilk ağla gələn Rio Karnavalı dünyanın ən məşhur festivalı olmaqla yanaşı, hər il minlərlə turisti Rio de Janeyroya gətirir. 18-ci əsrə aid olan festivalda iki milyona yaxın insan Rio-de-Janeyro küçələrində samba ifa edir.

“Ölülər Günü” festivalı (Meksika)

Dünyanın ən qəribə və məşhur festivallarından biri olan Ölülər Günü hər il noyabrın 1-də qeyd olunur. Festival çərçivəsində minlərlə insan həyatını itirən yaxınlarının xatirəsini yad etməyə toplaşır. Ənənənin katolik və astek mədəniyyətlərinin birləşməsindən yarandığı düşünülür.

“Krampusnacht” (Avstriya)

Yarı insan, yarı keçi olan və yaramazlıq edən uşaqları cəzalandıracağına inanılan Krampus avstriyalıların batil inanclarındandır. Festival zamanı minlərlə avstriyalı keçi buynuzu fiqurları ilə küçələrdə əylənir.

“Famadihana” (Madaqaskar)

Afrikanın ada dövləti Madaqaskarda dünyanın ən qəribə festivallarından biri keçirilir. Famadihana adlanan festivalda insanlar mərhum qohumlarını məzarlarından götürərək müxtəlif rəqslər ilə şənlik təşkil edirlər.

 

Nəzrin Beydiyeva

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...