Amerika Milli Aeronavtika və Kosmik Tədqiqatlar İdarəsi (NASA) yeni nəsil James Webb Kosmik Teleskopu tərəfindən çəkilmiş ilk rəngli görüntüləri paylaşıb.
Ednews xəbər verir ki, sözügedən görüntülər kainatın indiyə qədər çəkilmiş ən dərin və ən detallı fotoşəkilləri hesab edilir.
Çəkilən fotoşəkillər arasında “SMACS 0723” qalaktika klasterinin və onun arxasında yerləşən uzaq və zəif qalaktikaların da şəkilləri var.
Bildirilir ki, təxminən 4,5 milyard işıq ili uzaqlıqdakı kosmos bölgələrinin şəkillərini çəkməyə müvəffəq olan “James Webb” teleskopunun kainatın və kosmosun təkamülü ilə bağlı sualları cavablandırmaqda işıqlandırıcı bir yol açacağı gözlənilir.
Qeyd edək ki, 10 milyard dollarlıq James Webb Kosmik Teleskopu 25 dekabr 2021-ci ildə kosmosa buraxılıb.