Qlazqoda universitetlər iqtisadi böhran səbəbindən tələbələr üçün güzəştlər etmək qərarına gəlib.
Ednews xəbər verir ki, Qlazqonun Kaledoniya Universiteti artıq tələbələrə pulsuz səhər yeməyi təşkil etməyə başlayıb.
Noyabrın 21-dən etibarən istənilən tələbə və ya işçi heyəti George Moore restoranında pulsuz isti səhər yeməyi, meyvə, çay və ya qəhvədən həzz ala bilər.
Menyuya bişmiş lobya, kəpəkli qızardılmış yumurta, meyvə kompotu, bal, şərbət və meyvə ilə sıyıq daxil edilib. İstək üzrə hətta pəhrizli yemək seçimləri də menyuya əlavə olunacaq.
Universitetin rektoru, professor Pamela Gillies qeyd edib ki, bu şərait yaranan böhranı nəzərə alaraq universitetin bütün heyəti üçün yaradılıb.
“Biz bilirik ki, iqtisadi böhran çoxumuza ciddi təsir etməkdədir. Xüsusilə burada insanların çətin şəraitini nəzərə alaraq, bu şəraiti qurmaq qərarına gəldik.
Təklifdən yararlanmaq üçün tələbələr sadəcə olaraq piştaxtadan və içki maşınından yeyəcək əşyaları özləri götürür. Daha sonra səhər yeməyindən istifadə edənlər kassaya yaxınlaşır və onların kartında məbləğ sıfırlanır.
Qeyd edək ki, xidmət bazar ertəsindən cümə gününə qədər səhər 8-dən 11-ə qədər aktiv olur. İlkin olaraq bu xidmətin 2023-cü ilin fevral ayınadək xidmət göstərməsi nəzərdə tutulur.
Elnur Ənvəroğlu