İtaliya ətraf regionları canlandırmaq və daha çox turist cəlb etmək məqsədi daşıyan ağıllı layihələr təqdim etməyə davam edir.
Belə ki, ölkədə qiyməti 1 dollardan bir qədər baha olan uçuq-sökük evlərdən tutmuş, qeyri-populyar yerlərdə aşağı qiymətə tikilməyə hazır evlərə qədər rəqabət çılğınlığı müşahidə olunur.
Bu layihələrdən biri İtaliyanın Presicce şəhərində həyata keçirilib.
Ednews xəbər verir ki, sözügedən şəhər rəsmiləri insanlara boş yaşayış yeri və yaşayış icazəsi almaq üçün 30 min avro ödəyəcəklərini açıqlayıb.
Uzun müddətdir ki, ilk sahibləri tərəfindən tərk edilən və satışa çıxarılan evlərin qiymətlərinin 25 min avro dəyərində olduğu bildirilir.
Tərk edilən bu mülklərin başqalarına nisbətən əlavə üstünlüyü də var. Ərazi İtaliyanın Salento bölgəsinin təbiəti ilə əhatə olunub və Santa Maria di Leuca çimərliklərinə yaxındır.
Yerli məclis üzvü Alfredo Palese CNN-ə verdiyi müsahibəsində 1991-ci ildən əvvəl tikilən çoxlu boş evlərin olduğunu və onları yeni sakinlərlə canlı görmək istədiyini bildirib.
O, həmçinin, möhtəşəm memarlıq və sənətlə dolu köhnə məhəllələrin yavaş-yavaş boşaldığının şahidi olmağın onu kədərləndirdiyini bildirib.
Qeyd edək ki, Presicce və Acquarica birlikdə hazırda 9000-ə yaxın əhaliyə malikdir, lakin əhalinin yalnız yarısı icmanın köhnə hissəsində yaşayır.
Nəzrin Beydiyeva
