Pişiklərin bənzərsiz paranormal qabiliyyətləri haqqında çoxlu miflər var. Bu isə hər zaman elm tərəfindən mübahisəyə səbəb olub.
Ednews xəbər verir ki, bu əsrarəngiz dörd ayaqlalırdan biridə Pişik Oskar olub. Oskar ABŞ-ın Providens şəhərində yerləşən “Steere House” qocalar evinin daimi sakini olub.
Pişik hələ bala ikən 2005-ci ildə işçilər tərəfindən qocalar evinə gətirilib.
Mərkəzin əməkdaşlarının sözlərinə görə, Oskar uzun müddət eyni yerdə dayanmaz, hər gün palataları dövrə vurardı. Ancaq qalmağa qərar verdiyi yeganə məkan ölmünə 2-3 saat qalmış xəstənin yataq otağı olardı.
Adətən pişik pəncərənin kənarına tullanır, saatlarla orada oturduqdan sonra xəstənin yatağında qıvrılaraq, axıra qədər orada yatırdı. Mərkəzin tibb personalının sözlərinə görə, bu yolla o, artıq 100-dən çox insanı son mənzilə yola salıb. Oskarın artıq hər hansı palataya yaxınlaşması, orada yatan xəstənin bir neçə günə öləcəyindən xəbər verməsinin əlamətidir.
Hətta oradakı xəstələr rahatlamaq üçün pişiyə öz həyatlarından danışmağa başlayırlar: qəbul etməli olduqları çətin qərarları, acı və sevinc dolu hadisələri, peşman olduqları anlar haqqında. Sanki belə etməklə, vicdanlarını təmizləyirdilər.
Artıq bu dünyadan köçmüş xəstələrin yaxınları həyatlarının son dəqiqələrində sevdiklərinin yanında olduqları üçün Oskara minnətdar olduqlarını etiraf edirdilər.
“Steere House”da işləyən yaşlı həkim David Dosa pişiyin unikal qabiliyyətləri ilə daha da yaxından maraqlanıb. O, uzun müddət heyvanın davranışını müşahidə edib, hətta təcrübələr aparıb. Beləliklə, bir gün Oskarı, tezliklə ölə biləcək yaşlı bir kişi ilə çarpayıya qoyur. Pişik isə orada qalmaq istəməyərək, oranı tərk edir. Əksinə qonşu palataya qaçmağa çalışırıb. Təəccüblü deyildi ki, pişik məhz o palataya getməklə həmin xəstənin ölmündən xəbər vermiş olub.
2007-ci ildə David Dosa Oskar haqqında “The New England Journal Of Medicin” jurnalında bütün dünya alimlərinin diqqətini cəlb edən məqalə dərc edir. O,məqalədə bir pişiyin xəstələrin ölümünü "proqnozlaşdırdığı" 25 hadisəni təsvir edib. David palliativ praktikada heyvanlarla ünsiyyətin terapevtik təsirinin nə qədər vacib olduğunu da qeyd edib.
2010-cu ilin fevralında isə onun “Oskarla dövrə vurmaq: Adi bir pişiyin qeyri-adi hədiyyəsi” adlı kitabı nəşr olunub. Lakin buna baxmayaraq, doktor Dosa özü heyvanın paranormal qabiliyyətlərinə inanmır.
Oskar 2022-ci il fevralın 22-də qısamüddətli xəstəlik səbəbindən 17 yaşında vəfat edib.
Rəna Mürşüd