Ednews Yeni il lətifələrini təqdim edir.
- Ata nə üçün konfetləri yolkanın lap başında asırsan?
- Ona görə ki, bayrama qədər yeyib qurtarmayasan.
- Nə danışırsan? İndi mən bayrama kimi zər yeməliyəm?
***
Hörmətli Şaxta Baba! Elə et ki, atam gələn il də parolları klaviaturanın arxasına yazsın. Bir də “My documents” qovluğuna çoxlu qəşəng qız videoları yükləsin.
Əhməd, 12 yaş.
***
Arif Yeni ildə Şaxta Babadan konki istəyir. Arzusu yerinə yetir. İndi də şaxta və qar istəmədiyinə görə peşmandır.
***
Supermarketdə Şaxta Baba balaca qızcığazı dizinin üstünə alıb soruşur:
- Yeni il hədiyyəsi üçün nə istəyirsən?
Qız heyrətlə cavab verir:
- Babacan, deyəsən, esemesimi oxumamısan.
***
Əgər sərxoş Santa-Klausla qarşılaşmısansa o zaman bu yəqin ki, Şaxta Babadır.
***
Əziz Şaxta Baba!
Mənə bu Yen ildə əsl tapança hədiyyə elə. Yoxsa oyuncaq tapançanı gəzdirməkdən yoruldum.
İmza: Sahə müvəkkili
***
Uşağın:
- Şaxta Baba, sən doğruçusan? - sualından sonra Şaxta Baba sertifikatını, vergi bəyannaməsini, lisenziyasını uşağa göstərdi.
***
Bir qız Şaxta Babaya yeni il arzusunu deyir:
- Şaxta Baba, arıqlamaq istəyirəm.
- Bu çox çətin işdi.
- Mən hər şeyə hazıram.
- Onda gərək çənəni sındıram ki, yeyə bilməyəsən.
***
Əziz Şaxta Baba, xahiş edirəm mənim hədiyyəmi yolkanın altına qoyma, elə birbaş qaraja sür.
***
- Şaxta Baba ilə Qar qızın fərqini bilirsinizmi?
- Kürklərinə diqqət edin. Birinin düymələri sağdan sola, o birininki soldan sağa bağlanır.
***
Şaxta Baba psixiatrın yanına gəlib deyir:
- Həkim, kömək edin! Mən özümə inanmıram.
***
- Şaxta Baba ilə Santa-Klausun fərqi nədir?
- Şaxta Babanın yanında həmişə bir qız olur.
***
Şaxta Babanın ölümündən əvvəlki son sözü:
- Uşaqlar, vəssalam, hədiyyələr qurtardı.
***
Anası balaca oğlunu danlayır:
- Sən ana söyüşünü kimdən eşitmisən?
- Şaxta Babadan.
- Ola bilməz.
- Olar. Qardaşım Əli qartopuyla Şaxta Babanın gözündən vuranda dedi.
***
- Dünyanın sonu ilə Yeni il bayramının fərqi nədir?
- Dünyanın sonundan sonra əziyyət çəkmirsən.
***
Mağazada satıcı notbukların üzərindəki “750 manat” yazılı qiymət kağızını “550 manat”la əvəz edir.
- Nə əcəb birdən-birə qiymətləri belə ucuzlaşdırdınız? – deyə alıcı soruşur.
Satıcının cavabı:
- Yeni il endirimləri bitdiyi üçün.
***
Şaxta Babaya məktub: “Salam, qoca kaftar! Mən sənə artıq iki ildir ki, inanmıram!”
Əli Musayev, 47 yaş.
***
Bayram süfrəsi arxasında qadın ərinə şikayətlənir:
- Axı mən it dərisindən yox, su samuru xəzindən kürk istəyirdim?
Əri həyat yoldaşını sakitləşdirməyə çalışır.
- Su samuru ili olanda alaram.
***
- Yeni ili harda keçirirsiz?
- Heç vaxt yadımda qalmır. Sərxoş oluram.
***
Hər il Yeni il qabağı arvad ərini hədələyir:
- Yeni ildən içkini tərgidəcəksən, bildin?
Kişi gülümsəyərək fikirləşir: “Hardasa 15 ildir ki, evliyik, hələ də optimizmini itirməyib”.
***
31 Dekabr. Oğul anasına yaxınlaşır və deyir:
- Ana gəl 12-nin yarısı qışqıraq Yeni İl! Yeni İl!
Anası təəccüblə soruşur:
- Niyə oğlum?
- Qoy qonşular elə bilsin ki, yeni il birinci bizə gəlib.
Oğuz Ayvaz