Yuxu beynin fəaliyyət normasının minimal səviyyəyə enməsi və ətraf mühitə olan reaksiyaların azalması ilə müşayiət olunan təbii fizioloji prosesdir. Bütün canlı varlıqlar öz güclərini bərpa etmək və həyat fəaliyyətini davam etdirmək üçün istirahətə ehtiyac duyur.
Məcburi yuxu canlıların bütün cismi və zehni fəaliyyətlərini dayandırır. Hər dəfə səhər oyanmaq üçün azı 3 zəngli saat qurmaq, səhər zəngli saat çalanda söndürmək və ya ertələmək. Bu situasiya, yəqin ki, hər birimizə tanışdır. Bəs bilirsinizmi səhəri zəngli saatın səsi ilə açmağın mənfi tərəfləri var?
Araşdırmalara görə ilk çalardan sonrakı çalarlar bizim beynimizə yaxşı təsir etmir və gündəlik fəaliyyətimizin produktiv olmasına mane olur. Bu barədə Amerikanın Notre Dame universitetinin tədqiqatçıları məlumat verib.
Araşdırmaçılar ağır iş rejimi olan 450-dən çox yetkin inanın yuxu müddətini və ürək döyüntüsünü öyrənmək məqsədilə geyilə bilən cihazlardan istifadə edib, onlardan müsahibə götürüblər. Tədqiqat tərəfindən toplanan məlumatlar göstərdi ki, zəngli saatdan istifadə edərək oyananlar təbii yolla oyananlardan daha çox yuxu pozğunluğu yaşayırlar. Bundan əlavə, heç bir zəngdən istifadə etməyənlər sonrakı saatlarda daha çox yatır və gün ərzində daha az kofein istehlak etdilər.
HƏMİŞƏ yorğunsunuz? Bəs bunun səbəbi nədir?
Zəngli saat siqnalını ertələmək yuxunun təbii dövrlərini pozur və buna görə də yuxu ətaləti adlanan, yəni səhər oyandıqdan sonra hiss etdiyimiz və bütün gün davam edə bilən uyuşma hissi yaradır. Həm də idrak qabiliyyətlərimizi aşağı salır və bizi xroniki yorğun hiss etməyə məcbur edir.
Buna görə də səhərlər daha çox təbii yolla oyanmağa çalışmaq gün ərzindəki fəaliyyətinizə müsbət təsir edəcək.
Mehri Ağayeva
.jpg)
