Apple başqa bir iPhone 15 Pro Max hadisəsi ilə üzləşir. 

Ednews xarici mətbuata istinadən bildirir ki, bu dəfə istehlakçı birbaşa Apple-dan aldığı son model iPhone-un Android telefon olduğunu iddia edib.

İngiltərədə bir şəxs birbaşa Apple-ın rəsmi saytından sifariş verdiyi iPhone 15 Pro Max alarkən qəribə hadisə ilə üzləşib. Ona göndərilən telefon iPhone-a oxşayan və orijinal modelindən çox ucuz satılan Android telefon idi. Həmin şəxs sosial media platformasında çatdırılmanı həyata keçirən şirkət olan DPD -dən Apple-dan çatdırılma ilə bağlı bütün təsdiq e-poçtlarını və izləmə təfərrüatlarını paylaşıb.

Alıcının diqqətini çəkən ilk şey telefonun ekranında qoruyucu olması oldu. Ekranın hamar olmaması, qara sahənin qeyri-OLED şəkildə işıqlandırılması, altındakı qalın çərçivə kimi fərqlilikləri görən şəxs telefonunun iphone olmadığını anlayıb. Xoşbəxtlikdən istifadəçi Apple ID-si ilə daxil olmayıb.

Alıcı ofisə məlumat bildirib və hazırda Apple-dan cavab gözləyir. Birbaşa Apple-dan sifariş edilən iPhone-un saxta olması son dərəcə anormaldır. Məlum olduğu kimi, elektron ticarət platformalarında belə hadisələr baş verir.

Xəyal Ramiz