ABŞ-li astrofotoqraf Mişel Ernandes Beyliss iki məşhur spiral qalaktikanın - "M94" və "M51"in heyranedici fotolarını çəkib.

 “EDnews” xəbər verir ki, bu barədə "Space" portalı xəbər verib.

Bildirilir ki, "M94" qalaktikası çox parlaq mərkəzə sahib olduğu üçün "Timsahın gözü" adlandırılır və bizdən 16 milyon işıq ili uzaqlıqda yerləşir.

"M51" isə "Qıvrım qalaktikası" kimi tanınır, çünki onun nəhəng spiral qolları su burulğanına bənzəyir və 34 milyon işıq ili məsafədədir.

Fotoqraf öz şəxsi rəsədxanasında teleskop və xüsusi kameralar istifadə edib. "M94" qalaktikasını çəkmək 20 saat, "M51" qalaktikasını isə 16 saat vaxt aparıb. Aydın görünüş üçün parlaqlıq filtrləri və xüsusi proqramlarla rəqəmsal emal aparılıb.

"M51"in fotosunda parlaq nüvə, toz zolaqları və ulduzların intensiv şəkildə formalaşdığı bölgələr aydın seçilir. NASA alimləri düşünürlər ki, "M51"in füsunkar spiral quruluşu, onun yaxınlığından keçən kiçik "NGC 5195" qalaktikasının təsiri ilə formalaşa bilər.

Bu görüntülər spiral qalaktikaların gözəlliyini və struktur müxtəlifliyini bir daha göstərir.

Fatimə Mərdanlı //EDnews