"The İndependent" qəzetindəki məqaləyə görə, Britaniyada məşhur John Lewis mağazalar şəbəkəsinin illik hesabatından məlum olub ki, selfi çubuqları indi daha az satılır, əksinə dizüstü şam sinilərini alanların sayı artıb. Adətən belə sinilərlə televizor qarşısında əyləşərək şam edirlər.
Bu sorğuda Britaniya orta sinfinin alıcılıq vərdişləri öyrənilib.
Sorğu nələrin dəbə mindiyini və dəbdən düşdüyünü əks etdirir.
Siyasi təlatümlər və münaqişələr ili olan 2016-da adamların qənaət edib, qəpik sayacaqlarını gözləmək olardı, amma əksinə olub. Sadəcə olaraq alınan və alınmayan mallar bəlli olub.
Məsələn bəlli olub ki, enli şlyapaları daha o qədər də çox almırlar.
Hesabatda deyilir ki, stol süfrəsi alanların da sayı azalıb. İndi adamlar xörəklərini plastik sinilərin üstündə yeyirlər.
Yeni araşdımaya görə avokadonun internetdə axtarışı 85 faiz çoxalıb.
Diskləri olan noutbukların da azarkeşləri getdikcə azalır.
Maraqlıdır ki, Valentin günü üçün daha şokaladdan çox yüngül alt paltarlarını alırlar. Selfi çubuğu alan müştərilərin sayı 50 faiz enib.
Zəngli saatların satışı doqquz faiz azalıb, çünki indi adamlar yuxudan oyanmaq üçün smartfonlardan istifadə edirər. Amma burası da var ki, yol zəngli saatlarının satışı 200 faiz artıb.
İdman geyimi və ayaqqabılarının satışı da yüksəlişdədir.
Filtrli su butılkalarının, simsiz qulaqcıqların, LED lampalarının və Dyson Supersonic saçqurudanlarının populyarlığı artıb.
Supermeyvə avokadonun internetdə axtarışı 85 faiz çoxalıb.
Ən cəfəng hal budur ki, John Lewis-in müştəriləri arasında çəhrayı flaminqo ev bəzəklərini alanların sayı 200 faiz artıb.