Dünyanın hər yerində Yeni İl bayramına hazırlıq gedir. Ölkə əalisinin cəmi 1 faizinin xristian dininə sitayiş edənlərin təşkil etdiyi İran İslam Respublikasında da Milad bayramına hazırlıq ildən-ilə daha da təkmilləşir.
"Eurasia Diary" xəbər verir ki, İranda xristian dininin kökləri keçmişə dayanır. Ən az 600 kilsənin yerləşdiyi ölkədə 300-370 min Xristian yaşayır. Bu Xristianların çoxu da Şərqi Pravoslav Kilsələrinə mənsubdurlar. Eyni zamanda İranda Süryanilər, Katoliklər, Protestantlar və Evanjeliklər də var.
Ölkədə Xristianların bir qismi Miladi bayramı 25 Dekabrda qeyd edir, ermənilər isə 6 Yanvarda "On ikinci gün bayramı" kimi tanınan Epifani qeyd edirlər.
Dükanların vitrinləri qırmızı və yaşıl zərlərlə bəzənmiş yeni il ağacları ilə dolub-daşır. Məryəm Ana, Yusif peyğəmbər və körpə İsaya aid fiqurlar də xüsusilə paytaxt Tehranın xristian məhəllələrində satılmaqdadır.
Tehranda Milad
Ölkədəki ermənilər 1 Dekabrda başlayan 25 günlük orucdan sonra, 25 Dekabr gecəsi ziyafətdə bol-bol ət yeməklərinə üstünlük verirlər. Yeni il və Milad bayramı son 10 ildə dini mənsubiyyətdən asılı olmayaraq İranda getdikcə populyarlaşır.
