"Azərbaycan və İtaliya arasında çox gözəl münasibətlər mövcuddur". Bu sözləri İtaliyanın keçmiş Xarici İşlər Naziri V Qlobal Bakı Forumu çərçivəsində Eurasia Diary-ə özəl müsahibəsində deyib.
Bir neçə gün sonra İtaliya Roma müqaviləsinin 60 illik yubileyini qeyd edəcək. Bu bizə Avropa layihəsini yeniləmək imkanını vermiş olacaq. Avropa layihəsi yaşayır və şübhəsiz ki, siyasi mövqelərdə də yenilənmə var. Belə ki, o, yalnız hökumətlərarası birlik ola bilməz. O, ən azı təhlükəsizlik və müdafiə, iqtisadi bazarın gücləndirilməsi, miqrasiya böhranını Avropa səviyyəsində idarə etmək kimi bəzi sahələri əhatə edə biləcək siyasi birlik olmalıdır. Bu bizə daha çox iqtisadi mənfəətin deyil, siyasi birliyin lazım olduğu sahələrdir.
Azərbaycan və İtaliya arasında çox gözəl münasibətlər mövcuddur. Hazırda biz ilk Trans-Adriatik boru kəməri layihəsini həyata keçiririk. Biz yerdə qalan bütün texniki məsələləri həll etməyə hazırlaşırıq. Bir neçə gün əvvəl İtaliyanın Sənaye Naziri Bakıya rəsmi və işgüzar səfər etmiş, layihənin davam etməsilə əlaqədar Azərbaycan hökumətilə görüşüb.
Mən Azərbaycan Xarici İşlər Naziri ilə Romada Azərbaycanın müstəqilliyinin 25-ci il dönümü ilə bağlı tədbir təşkil edəcəyəm. Bu aprel ayında olacaq. Bizim əməkdaşlığın daha da intensivləşməsini göstərən bir çox təşəbbüslər mövcuddur.