Çoxsaylı uğurları ilə Azərbaycan özünü bütün dünyada idman ölkəsi kimi tanıdıb. Dövlətin və əhalinin qayğısı nəticəsində idmana böyük həvəs yaranmışdır və buraya sadəcə olimpiya idman növləri deyil, eyni zamanda qeyri-olimpiya növləri də daxildir.
Ölkəmizdə karateyə olan yüksək maraq onun bir çox növlərinin yayılmasına gətirib çıxarıb ki, bunlardan biri də aşihara karate növüdür.
Eurasia Diary bu karate növünün ölkəmizdə yayılmasında böyük əməyi olan Aşihara Karate Federasiyasının rəhbəri Maarif Bağırovun və Beynəlxalq Avrasiya Mətbuat Fondunun prezidenti Umud Mirzəyevin iştirakı ilə görüş keçirilirb. Qeyd edək ki, Azərbaycan Aşihara Karate Fedrasiyası 2002-ci ildə fəaliyyət göstərir.
“Aşihara karate növü Hideyuki Aşihara tərəfindən yaradılıb, o, həm cüdo, həm də karate ilə məşğul olduqdan sonra bu idman növünün əsasını qoyub. Bu idman növündə mövcud olan fəndlər sadəcə yarış meydanlarında deyil, küçə döyüşlərində də istifadə oluna bilir. Bu sadəcə idman növü deyil, həm də bir döyüş növüdür”, - deyə Maarif Bağırov aşihara karatenin özəlliklərini qeyd edib.
2002-ci ildən fəaliyyət göstərən Federasiya bu günə qədər beynəlxalq yarışlara qatılaraq yüksək nailiyyətlər əldə edib. Komandamızda böyük vətənpərvər ruh formalaşıb, bu idmançılarımızı bayrağımızı xarici ölkələrdə dalğalandırmağa kökləyir.
O, Federasiyanın noyabrda Qazaxıstanın Aktau şəhərində keçiriləcək dünya çempionatına 11 nəfər idmançı ilə qatılacağını bildirib.
Döyüşçülərimizin sayı az olsa da onlar yarışlardan qələbə ilə qayıdaraq ölkəmizin adını uca tutmağa nail olublar. Federasiyanın rəhbəri ölkəmizdə aşihara karate idmanına olan maraqdan bəhs edib.
“Gənclərimiz arasında karateyə yüksək həvəs var. Eyni zamanda qeyd edək ki, bu elə bir idman növüdür ki, ahıl yaşlı insanlar da məşğul ola bilər. Beləliklə, bu, onları enerjili və cavan saxlayır”.
Maarif Bağırov idmançılarımızın növbəti dünya çempionatında göstərəcəkləri nəticələrə böyük ümidlər bəsləyir.
“Aktauda keçirilən dünya çempionatından yüksək nailiyyətlər gözləyirəm, aramızda dünya çempionları var və düşünürəm ki, onlar bir daha bu uğuru təkrarlayacaq”.
Aşihara idmanı ilə məşğul olan karateçilərimiz bayrağımızı başqa torpaqlarda dalğalandırmaq həvəsi ilə yarışlara qatılır. İnşallah çempionatdan medallarla dönərək eyni şəkildə bayrağımızı qaldıraraq vətənə daxil olacayıq.
Federasiya torpaqlarımızın işğaldan azad olunmasını arzulayaraq Qarabağda bu yarışların keçirilməsini səbirsizliklə gözləyir.