Zelenski "Parni iz Baku" KVN komandasından danışdı - VİDEO | Eurasia Diary - ednews.net

17 İyun, Bazar ertəsi


Zelenski "Parni iz Baku" KVN komandasından danışdı - VİDEO

Vladimir Zelenski: "Mənim kimisini siz görməmisiniz"

Müsahibə A- A A+

Ukraynada prezidentliyə namizəd Vladimir Zelenski RBK-Ukrayna agentliyinə müsahibə verib. Eurasia Diary müsahibəni təqdim edir.

RBK-Ukrayna: Uzun illər KVN-də oynamısınız.

Vladimir Zelenski: Böyük zövqlə.

- Turnirlərdə iştirak etmisiniz.

- Bəli.

- Heç fikir vermisinizmi, finala müəyyən komandaları çıxarırdılar. Qarabağ böhranı zamanı - "Yeni ermənilər" və "Bakılı oğlanlar"...

- Bəli. Bu zaman, zalda çox çətin anlar yaşandı. Hər kəs qarşıdurma yaranacağından qorxurdu. Mən sadəcə bunu xatırlayıram. Bu birgə oyunların hamısının müsbət bir məqsədi var. Hesab edirəm ki, AMIK-in ("Aleksandr Maslyakov və şirkət", KVN-nin rəsmi liqalarınını keçirən birlikdir) müsbət məqsədi vardl - birləşmək. Lakin bu, təəssüf ki, tez-tez hansısa münaqişələrə gətirib çıxarır. Xüsusilə dini məsələlərə aid olan hər şey və s. Ancaq bu AMİK-in qərarı idi", deyə Zelenski bildirib.

Bundan əlavə, Zelenski prezident seçildiyi halda Radanı buraxacağını deyib.  

“Mən vaxtında çata bilməyəcəyimdən qorxuram. Qanunları pozmaq fikrim yoxdur. Növbəti seçkilərə 6 ay qalmış parlamenti buraxmaq hüququmuz var. Bu vaxta yetişsək parlamentə buraxacağıq” – Zelenski belə deyib.

Zelenski Poroşenkonun məğlub olacağı təqdirdə böyük fraksiya toplayaraq parlamentdə müxalifət lideri olacağına inanmadığını deyib.

Qeyd edək ki, Ukraynada prezident seçkilərinin ikinci turu aprelin 21-də keçiriləcək.

Daha ətraflı videoda:

 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...