Biz muxtariyyət tələb etmirik, Cumhuriyyətimizi istəyirik! | Eurasia Diary - ednews.net

25 Noyabr, Çərşənbə


Biz muxtariyyət tələb etmirik, Cumhuriyyətimizi istəyirik!

Müsahibələr A- A A+

Eurasia Diary Qərbi Azərbaycan İctimai Birliyi İdarə Heyətinin sədri Mürvət Yusifovun GBNews-a müsahibəsini təqdim edir:

İllərdi əsir yurdlarımızın azad edilməsi üçün təbliğat aparırsınız. Son bir ayda 120-dən artıq yaşayış məntəqəmiz işğaldan azad edilib. Bu barədə fikriniz maraqlı olar.

- 200 ilə yaxındı havadarlarına arxalanan ermənilər Azərbaycan üçün baş bəlasına çevriliblər. Əzəli yurdlarımıza "zavallı qonaq" qismində gəlib, yerləşdikdən sonra düşmənə çevriliblər. Qədim Azərbaycan mahalları üzərində dövlət yaratdılar. Yerli əhalini - Azərbaycan türklərini dəfələrlə soyqırıma məruz qoydular, misli görünməmiş işgəncələr tətbiq etdilər. Tarixən bu hərəkətləri Rusiya, Fransa və digər havadarlarının hərtərəfli dəstəyi ilə həyata keçirdilər.

Son 30 ildə 500 mindən artıq Azərbaycan türkünü ağır işgəncələrlə dədə-baba yurdlarından (Ermənistan adlandırdıqları Qərbi Azərbaycan mahallarından) deportasiya etdilər. Azərbaycanın 9 rayonunu işğal etdilər. 1 milyon əhalini evsiz-eşiksiz qoydular. Xocalı, Qaradağlı soyqırımını yapdılar. Beynəlxalq Təşkilatların qərarlarına məhəl qoymadılar. 2 ay öncə beynəlxalq kommunikasiya xətlərinin keçdiyi Tovuz rayonuna hücum etdilər. Onlarla dinc sakini qətlə yetirdilər. Nəhayət Azərbaycan Ordusu əks hücum əməliyyatlarına başladı, əsir yurdlarımızı azad etmək qətiyyəti qoydu qarşısına. Və istəyinə də nail olur.

İrəvan Türk Cümhuriyyəti elan edilib. Bildiyimiz qədər siz də orada təmsil olunursunuz. Son günlər mətbuatda İTC başqanı Q. Çaxmaqlının adından Göyçə və Zəngəzura muxtariyyət tələbi yayımlandı. Bu barədə nə deyə bilərsiniz?

- İrəvan Türk Cümhuriyyəti zamanın tələbindən doğub. İTC Millət Şurasının üzvü, Qərbi Azərbaycan İcmaları ilə İş Departamentinin rəhbəriyəm. İTC əzəli yurdlarımıza sahib durmaq üçün yaranıb. O torpaqlar bizimdi, biz  əzəli yurdlarımıza iddialıyıq. Burda muxtariyyətdən söhbət gedə bilməz. Nədənsə bu mövzuda mətbuat nümayəndələri bilərəkdən, ya bilməyərəkdən fikri təhrif edirlər. Yeri gəlmişkən KİV nümayəndələrimizə də səslənirəm, bu kimi həssas məsələlərdə diqqətli olmaq lazımdır. Biz beynəlxalq hüququn verdiyi bütün imkanlardan istifadə edib haqqımıza nail olacağıq.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...