Eurasia Diary, Milli Məclisin deputatı, Azərbaycanın AŞPA-dakı nümayəndə heyətinin üzvü Nigar Arpadarai ilə müsahibəni təqdim edir.
“Bu, Ermənistanın Azərbaycana qarşı növbəti təcavüzü, son onilliklərdə həyata keçirdiyi Azərbaycan torpaqlarının işğalı siyasətinin davamıdır.
Ermənistan, münaqişənin həllini və azərbaycanlı qaçqın və məcburi köçkünlərin öz evlərinə qayıtmasını gecikdirmək, eləcə də Azərbaycan ərazilərinin de-fakto işğalını davam etdirmək məqsədi ilə effektli sülh danışıqlarından uğurla yayınır.
Erməni qoşunlarının Azərbaycan ərazilərindən çıxarılmasını tələb edən BMT Təhlükəsizlik Şurasının dörd qətnaməsi yerinə yetirilməmiş qalır. Səlahiyyəti və vəzifəsi qitədə sülhü və insan hüquqlarını qorumaq olan ATƏT, Avropa Şurası və digər Avropa qurumları vəziyyətə göz yummağa və ya narahatlıq ifadə edən mənasız bəyanatlarla münasibət bildirməklə kifayətlənirlər.
Beynəlxalq təşkilatlara, xüsusən də missiyası Avropada sülhü, təhlükəsizliyi və insan haqlarını qorumaq olan qurumları, nəhayət, Ermənistanla Azərbaycan arasında davamlı və ədalətli sülhün əldə edilməsindən ibarət olan vəzifələrini yerinə yetirməyə çağırıram.
Avropa Şurası
Avropa Komissiyası
ATƏT - Avropada Təhlükəsizlik və Əməkdaşlıq Təşkilatı
Avropa Birliyinin Azərbaycandakı nümayəndə heyəti
Avropa Parlamenti" – deyə Nigar Arpadarai bildirib.
Müsahibəni götürdü: Cəmilə Çebotareva