Eurasia Diary Azərbaycan Jurnalistlər Birliyinin sədri Elçin Şıxlinski ilə eksklüziv reportajı təqdim edir.

E. Şıxlınski milli mətbuatın hazırki durumu ilə bağlı bəzi problemlərə toxunub. Onun sözlərinə görə, bir çox məmur jurnalistikaya xidmət sahəsi kimi baxır. O, bunu Sovetlər dövrünə bağlayır, “lakin mətbuat nə qədər şablon səslənsə də dördüncü hakimiyyətdir”, deyir. Onun fikrincə, mətbuatda əsas problem KİV nümayəndələrinin informasiya ilə işləməməsi ilə bağlıdır.

O, tənqidi fikirlər səsləndirilən zaman haqlı tənqid faydalı olduğu halda, təhqir və ya alçaltmanın yolverilməz olduğunu vurğulayıb, həmçinin müəyyən statusa malik insanlar üçün emosiyaları cilovlamağın vacib olduğunu deyib.

E. Şıxlınski mətbuat və söz azadlığının nisbi məfhum olması və Fransa mətbuatında peyğəmbərin karikaturası timsalında bu kimi addımların heç də söz azadlığı ilə bir araya sığmadığını bildirib. O insanların inanclarının fərqli ola bildiyi kimi onlara hörmət edilməsinin də vacib olduğunu vurğulayıb.

O, ictimai əhəmiyyəti olmadığı təqdirdə mediada tanınmış simaların şəxsi həyatı haqda məlumatı gərəksiz bildiyini, siyasətçilərin bunun əksinə olaraq şəxsi həyatının işıqlandırılmasına hazır olmalı olduğunu deyir. Televiziya kanallarında son yarım ildə qismən dəyişikliklər baş verdiyini desə də bunun hamısına şamil edilmədiyini qeyd edib. O bildirib ki, tamaşaçı sayı peşəkarlıq üçün göstərici deyil.

Daha sonra o, gənclərin tərbiyəsində televiziyanın rolu və müasir gənclik barədə fikirlər söyləyib.

Jurnalistikanı özünə peşə seçənlər və bu sahəyə sonradan gələnlər arasında paralel aparan E. Şıxlınski jurnalistikaya fillologiya sahəsindən gəldiyini və çalışdığı qəzetin kollektivi arasında hüquq sahəsindən gələn çox sayda insanın olduğunu deyir. O, jurnalistikanın ayrıca bir peşə olduğunu və peşəkar jurnalist olmaq üçün çox oxumağın və öyrənməyin vacibliyini qeyd edib. Şıxlinskinin sözlərinə görə, pis insan yaxşı yaza bilər, lakin yaxşı jurnalist ola bilməz.

“Jurnalist özünə, ailəsinə və yazılarına cavabdeh olduğu halda, redaktor kollektivə və nəşriyyat orqanına görə cavabdehlik daşıyır. Redaktor ölkənin ictimai-siyasi vəziyyətinə diqqət ayırmalıdır. 44 günlük müharibədə döyüş əhval-ruhiyyəsinin yüksək saxlanılması vacib idi. Bu mənada mətbuatın üzərinə vəzifə düşürdü”, o deyir.

Müsahibimiz, redaktor olaraq insanları redaktə etməyi sevmədiyini, yazıların mahiyyətinə və stilistikasına toxunmadığını və hər kəsin öz yazı tərzində daha maraqlı olduğunu bildirib.

Daha ətraflı videomaterialda:

Müsahibəni aldı: Cəmilə Çebotareva

Tərcümə etdi: Gülnar Səlimova