Türkiyəli ekspert: - "Onlar əks halda qarşılarında dayanacaq dövlətin kim olduğunu yaxşı bilir" - VİDEO | Eurasia Diary - ednews.net

2 Mart, Çərşənbə axşamı


Türkiyəli ekspert: - "Onlar əks halda qarşılarında dayanacaq dövlətin kim olduğunu yaxşı bilir" - VİDEO

Müsahibələr A- A A+

Yunanıstanın Ortodoks Times xəbər saytında yayımlanan məqalələrdən biri Türkiyənin ərazi bütövlüyünə hörmətsizliyi sərgiləyib. Belə ki, saytda İstanbul şəhərinin adı Konstantinopol olaraq verilib. Bu tipli nəşrlər açıq aydın Türk dünyasına olan sonsuz nifrətin bir nümunəsidir. Bəllidir ki, Yunanıstan da ortaqları olan ermənilər kimi Türkiyənin və eləcə də Türk dünyasının ərazilərində iddialı olduqları üçün hər cür yola baş vurmaqdan zərrəcə çəkinmirlər. 

Təsadüfi deyil ki, II Qarabağ müharibəsində Yunanlar minlərlə kilometr qət edərək istilaçı ermənilərə öz yardımlarını əsirgəmədilər. Əksinə kiçik dövlət olaraq güya birləşib özlərini böyük görmək xülyası ilə Türk dünyası kimi nəhəng divin qarşısına çıxmağa təşəbbüs etdilər. 

Beləliklə şərqdə erməni düşmənliyi, qərbdə isə yunan kini. Bütün bunlar barədə daha ətraflı Türkiyə Koceli Universitetinin Professoru, siyasi ekspert İrfan Kaya Ülgər Eurasia Diary-ye özəl müsahibəsində bildirir. 

“Əslində bu günki gündə istər Yunanıstanın, istərsə də Ermənistanın bizə qarşı olan bu cür davranışı qeyri peşəkardır və bunu sadəcə ağılsızlıq kimi də hesab etmək olar. 

İstanbulun adının qərəzli olaraq Konstantinopol adlandırılmasına gəldikdə isə, bu artıq bizim üçün qeyri-adi bir şey deyil. Biz həmişə bunu dəfələrlə bildirmişik və bildiririk də: Bizim heç kimin torpaqlarında gözümüz yoxdur və bunu düşünənlər həm əhali sayı, həm iqtisadi, həm də hərbi güclərinə baxsıb düşünsünlər. Təbii ki, onlar mövcud durumlarını nəzərə almaqla utopiyaya söykənən keçmiş ideallarından əl çəkməli və öz maddi maraqları naminə Türkiyə kimi böyük dövlətlə müttəfiq olmalıdır. Lakin əks halda onların qarşısında dayanacaq dövlətin kim olduğunu onlar özləri yaxşı bilir," deyə siyasi ekspert belə vurğuladı.

Müsahibə zamanı ekspert həmçinin Qafqaz bölgəsində müharibədən sonra Rusiya və Türkiyənin rolu, Türkiyənin bundan sonrakı tək kəmər-tək yol layihəsi çərçivəsində gördüyü işlər və eləcə də ötən həftədə Rusiyanın dəvəti ilə Moskvada imzalanan üçlü razılaşma barədə də fikirlərini bölüşdü. 

Eurasia Diary Professor İrfan Kaya Ülger ilə eksklüziv müsahibənin video yazısını sizlərə təqdim edir:  

 

Elnur Ənvəroğlu

Eurasia Diary

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...