Mixail Taratuta ilə eksklüziv müsahibə - özəl olaraq Eurasia Diary üçün - VİDEO | Eurasia Diary - ednews.net

6 Mart, Şənbə


Mixail Taratuta ilə eksklüziv müsahibə - özəl olaraq Eurasia Diary üçün - VİDEO

Müsahibələr A- A A+
Eurasia Diary Sovet və Rusiyalı jurnalist və amerikanşünas Mixail Anatolyeviç Taratuta ilə eksklüziv müsahibəni təqdim edir. M. Taratuta məşhur "Amerika Mixail Taratuta ilə" və "Ruskie qorki" proqramlarının müəllifi və aparıcısıdır.

Mixail Taratuta ABŞ-dakı prezident seçkilərinin nəticəsinin siravi amerikalıların gələcək taleyinə necə təsir edəcəyi barədə bildirib ki, Amerika əhalisi siyasi və iqtisadi cəhətdən müxtəlif təbəqələrə bölündüyündən bu təsir fərqli ola bilər: “Biz Tramp tərəfdarlarına qarşı təzyiqləri görürük, çoxlu həbslər var. Bunun nə ilə bitəcəyi bəlli deyil, bəlkə də ciddi nəticələri olacaq. Kapitoliyə hücuma görə 15-20 il həbs cəzası verilə bilər. Ancaq iğtişaşlarda xuliqanlıq edənlərdən savayı, 200-250 nəfər sadəcə onların ardınca gedərək bu qrupa qarışmışdı. İndi bunun ağır nəticələrini onlar da ödəyəcək. Tramp tərəfdarlarının bank hesablarının bağlanması, bank xidmətləri, ev kirayəsi, uçuş xidmətlərinə qoyulan məhdudiyyətlər təsirsiz ötüşmür”, o bildirdi.

Taratuta qeyd etdi ki, ABŞ-da ilk dəfə prezident seçkilərində səsvermə poçt vasitəsilə həyata keçirildi. O, seçkilərdə saxtakarlığa yol verilməsi halları barədə dedi ki, nəzərə alınmayan səslər ola bilər, lakin bu barədə konkret bir fikir yürüdə bilməz. O, ABŞ-ın sabiq prezidenti barədə bunları dedi: “Tramp şəxsiyyət olaraq çətin xarakterə malik insandır. Onun barədə narsist, uğursuzluqlara dözümsüzlüklə yanaşan, kobud və qəribə insan kimi mənfi rəydəyəm. Lakin Tramp prezident kimi effektli idi. O, ABŞ üçün bir sıra faydalı işlər görərək islahatçı siyasət yürüdib. Məqsədinə tam çatmasa da, onun dövründə iqtisadiyyat sahəsində mühüm irəliləyiş baş verdi. ABŞ-dakı sistem hələ o hakimiyyətə gəlməmişdən qabaq ona qarşı yönəlmişdi, vergi sistemində islahatlar apardı, eləcə də kiçik və orta biznesə mane olan amilləri aradan qaldırdı, məhkəmə islahatı həyata keçirildi. Trampın miqrasiya islahatı qeyri leqal insan axınının azalmasına səbəb oldu. Co Baydenin bu prosesi dayandırması demoqrafik yöndə ciddi problemə gətirib çıxaracaq. Doğrudur, Trampın çox səhvləri olmuşdur. Ancaq onun gördüyü işləri puç etmək ədalətisizlikdir”, o əlavə etdi.

Taratuta, Baydenin Qafqaz regionu ilə bağlı siyasətinə toxundu: “Nə Azərbaycan, nə də ki, Ermənistan Barak Obama və Donald Tramp hakimiyyətə gələrkən onlarla maraqlanmamışdı. Baydenin dövründə Qafqazda Rusiya ilə Amerika arasında konfrantasiyanın arta biləcəyi güman edilir. ABŞ-la yaxınlaşmaya Rusiya mənfi reaksiya verəcək. Bu Azərbaycana lazımdırmı? Region üçün bunun uyğun addım olduğunu düşünmürəm”, deyə o bildirib.

 
Daha ətraflı videoda:
 
Müsahibəni aldı: Cəmilə Çebotareva
 
Tərcümə: Gülnar Səlimova

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...