Eurasia Diary rus bəstəkarı Andrey Kliminovla müsahibəni təqdim edir.
Andrey Kliminov 1998-ci ildə musiqi bəstələməyə başlayıb. 2003-cü ildən bəri özünü film sənayesində sınayıb. Filmstudio Babelsberg, MARS Media, İgor Tolstunovun PROFIT, Amedia Production, Krasnıy Kvadrat, Central Partnership, Russkoye, KIT, NTV Kino və s. kimi şirkətlərin layihələrində səs rejissoru, bəstəkar və musiqi redaktoru vəzifələrində çalışıb, film və televiziya sahəsində 150-dən çox layihədə birbaşa iştirak edib. Onların bəziləri festivallarda bir çox mükafat, nominasiyaya layiq görülüb. TEFI 2006 "Gözəl Doğulma" yarışmasının finalçısıdır.
Kliminov müsahibəsində Moskvada doğulub boya-başa çatdığını söyləyir: “Erkən yaşlarda hər gün yatmazdan öncə iri qulaqcıqlarla maqnitofonda saatlarla “Deep Purple”, “Beatls”, “ABBA” kimi qrupların mahnılarını dinləyirdim. Gitaram vardı. Şansım olsaydı konservatoriyaya daxil olmaq istəyərdim. 25-30 yaşlarımda Raxmaninov, Stravinski, Dvorjk, Mallerin klassik əsərlərinə, müasirlərdən isə Artyomov, Zaqamenov, Petrov kimi bəstəkarların musiqilərinə qulaq asırdım".
Onun sözlərinə görə, musiqi qəhrəmanı xarakterizə edir, eləcə də filmin qısa məzmununu danışır. Musiqidə qəhrəmanın daxili konflikti, daxili vəziyyəti öz əksini tapır.
Bəstəkar bildirir ki, hamının öz daxili dramı, hər kəsdən gizli və fərqli yaşantıları var. “Əgər insanları musiqi alətinə bənzətsək kimisi fleyta, kimisisə orkestrin yüksək səsi kimidir. Mən özümü Raxmaninovun Vokaliz əsərinin orkest versiyasında görürəm. Bu musiqidə rus ruhu əks olunub. Mənə təqdim edilən ssenarini oxumuram, tamaşaçı kimi baxmaq istəyirəm. Daxili emosiyalarımın səsini dinləyirəm. “Təmamilə yadlar” filminin maraqlı mövzusu var. Rejissor Valeriy Livitinov mənə sərbəstlik verdi. Necə alındığına isə tamaşaçılar qərar versin", o deyir.
Daha ətraflı videoda:
Müsahibəni aldı: Cəmilə Çebotareva
Tərcümə: Gülnar Səlimova