Eurasia Diary "Baku Network"ün Ekspertlər Şurasının direktoru, AMİ Trend-in baş direktorunun müavini, fəlsəfə üzrə doktor Elxan Ələsgərov haqqında video materialı təqdim edir.
COVID-19 infeksiyasına yoluxan Elxan Ələsgərovun vəziyyəti pisləşdikdən sonra reanimasiyaya yerləşdirildi və süni ağciyər ventilyasiya cihazına qoşuldu. Həkimlərin bütün səylərinə baxmayaraq, Elxan Ələsgərov dünyasını dəyişdi.
Qeyd:
Elxan Ələsgərov 14 mart 1955-ci ildə Bakıda anadan olub.
1972-ci ildə şəhər 150 saylı orta məktəbi bitirib. Azərbaycan Texniki Universitetini bitirib, rabitə mühəndisi olub. "Azon" Tədqiqat İnstitutunda və Azərbaycanın təhlükəsizlik orqanlarında çalışıb. Minskdəki Ali Məktəbin məzunudur. 1987-ci ildə xarici ölkələrlə mədəni əlaqələr üzrə "Dostluq" Cəmiyyətinin sədr müavini, 1988-ci ildə xarici ölkələrlə mədəni əlaqələr "Vətən" Cəmiyyətinin sədr müavini olub.
Elxan Ələsgərov Qarabağ müharibəsinin iştirakçısı olub və polkovnik hərbi rütbəsinə sahibdir.
2000-2015-ci illərdə Xarici İşlər Nazirliyinin xətti ilə xarici ölkələrə dəfələrlə uzun işgüzar səfərlərə getmişdir.
2000-2006-cı illərdə Azərbaycanın Ankaradakı səfirliyində diplomat işləyib və 2008-2015-ci illərdə Azərbaycanın Haaqadakı səfirliyində.
Elxan Ələsgərov Qafqaz Albaniya Mərkəzinin və Qafqaz Analitik Mərkəzinin qurucusu idi.
Azərbaycan xüsusi xidmət orqanlarının İctimai Birliyinin və Yazıçılar Birliyinin üzvü idi. İki kitabın və 200-dən çox məqalənin müəllifidir.
Azərbaycanda "Əli və Nino" romanı ilə bağlı apardığı ilk elmi araşdırmaya görə ona filologiya üzrə fəlsəfə doktoru elmi dərəcəsi verilib.
Eurasia Diary Elxan Ələsgərovun ailəsinə və yaxınlarına başsağlığı verir.
Fotoşəkilləri Namiq Əliyev təqdim edib.