Ermənistan tərəfinin minalanmış ərazilər xəritəsini Azərbaycana verməsi məsələsi birbaşa Rusiya sülhməramlılarının, Rusiya Fövqəladə Hallar Nazirliyinin səlahiyyətinə aiddir.
Bunu Rusiya Xarici İşlər Nazirliyinin rəsmi nümayəndəsi Mariya Zaxarova, Rusiya Federasiyasının bu məsələdə vasitəçiliyinin mümkünlüyü barədə sualı cavablandırarkən söyləyib.
Rus əsgərləri Dağlıq Qarabağda mina partlaması nəticəsində yaralanır. Bu barədə RF Müdafiə Nazirliyi dəfələrlə məlumat verib. Və burada, Rusiya tərəfinin Ermənistandan minalanmış ərazilərin xəritələrini təhvil verməsini niyə tələb etməməsi sual doğurur, çünki nəticədə rus sülhməramlıları da öldürülür.
Eurasia Diary siyasi ekspertlərin iştirakı ilə video material hazırlayıb.
Rusiya Beynəlxalq Məsələlər Şurasının eksperti, “Kommersant” qəzetinin Xarici siyasət şöbəsinin müdir müavini Aleksey Naumov mövzu ilə bağlı danışarkən bildirib ki, müharibədə erməni silahlı qüvvələri aşağı səviyyəli hazırlığa malik olduqları və Azərbaycan tərəfinin kifayət qədər ciddi müqavimətinə rast gəldikləri üçün bu, böyük ehtimal minalanmış ərazilərin xəritələrinin hazırlanmasını mümkünsüz edib: "Hesab edirəm ki, bu xəritələr Ermənistanda varsa da Rusiyaya verilməyib. Əks halda Rusiya sülhməramlılarının da bu minaların partlaması nəticəsində xəsarət aldıqlarını nəzərə alsaq, onu üzə çıxarmamaq ağılsızlıq olardı".
Belarus Milli Məclisinin Nümayəndələr Palatasının Daimi Komissiyasının sədri Andrey Savin qeyd edib ki, indiki zamanda Cənubi Qafqazda sülh və sabitlik bərqərar olub: "Bu, Azərbaycan tərəfinin fəaliyyətinin nəticəsidir. Azərbaycan Prezidenti də bildirib ki, artıq əvvəlki səhifəni bağlayıb hər şeyi yenidən başlamaq lazımdır. Belarus Prezidentinin Bakıya səfəri zamanı həm Qarabağ, həm də ətraf rayonlar üçün davamlı sülhün yaradılması üçün unikal imkan var. Belarus işğaldan azad edilmiş rayonlarda kənd-təsərrüfatı və sənaye komplekslərinin yaradılmasında Azərbaycana dəstək olacaq. Bu, regionda sülh və anlaşmanın təmin edilməsində böyük rol oynayacaq".
Beynəlxalq hüquq və beynəlxalq siyasət üzrə ekspert Mixail Finkel bildirib ki, Qarabağ problemi artıq həll olunub: "Azərbaycan ərazi bötüvlüyünü bərpa edib. Lakin problem hələ də qalmaqdadır. İşğaldan azad edilən bütün ərazilər dağıdılaraq külə döndərilib. Bununla yanaşı, ərazilər piyada və tank əleyhinə minalarla çirkləndirilib. Bu minaların bir qismi kifayət qədər dərinlikdə yerləşdirilib (1-5 metr dərinlikdə). Təqribən 3 milyon ədəd müxtəlif kalibrli minalar yerə basdırılıb. Onların çox hissəsi insanların daha çox ziyarət edəcəyi yerlərdə, qəbiristanlıq və məscidlərin ətrafında basdırılıb. Ermənistan birmənalı olaraq beynəlxalq hüququn normalarına əməl etməkdən imtina edir. 1980-ci ildə BMT-yə üzv olan bir çox ölkələr “Minaların xüsusi bir məqsəd olmadan istifadəsini qadağan edən və mina xəritələrinin mübadiləsi ilə bağlı sənədləri ratifikasiya ediliblər. 1983-cü ildə Sovet dövləti bu sənədi ratifikasiya edib. Ermənistan bununla yanaşı beynəlxalq humanitar hüququ da pozmuşdur. Müharibədən sonra dinc əhali və hərbçilər arasında itkilər varsa, bu artıq terrorist fəaliyyətdir. Ermənistan xəritələri verməsə Azərbaycan öz qüvvəsi hesabına Qarabağı minalardan təmizləməli olacaq.
Cəmilə Çebotareva