Azərbaycan-Ermənistan sülh danışıqları: Sərhədlərin delimitasiyası sülh müqaviləsindən sonra reallaşacaqmı?

“Delimitasiya və demarkasiya prosesindən əvvəl müqavilənin imzalanması daha səmərilidir. Bunun bir çox səbəbləri var”.
Bu sözləri  politoloq İlyas Hüseynon Ednews-a açıqlaması zamanı bildirib. 

Daha sonra o delimitasiyadan əvvəl baş tutacaq sülhün üstünlükləri haqqında əsas məqamları vurğulayıb:

“Düşünürəm ki, sərhədlərin delimitasiyası, iqtisadi və nəqliyyat əlaqələrinin bərpa olunması ilə bağlı addımlar, sülh müqaviləsində qeyd olunacaq.

Lakin de- jure olaraq bu müqavilə hazırlandıqdan sonra onun texniki olaraq həyata keçməsi vaxt apara bilər. Sülh müqaviləsində əsas məsələ hər iki ölkənin suverenliyi, ərazilərinin toxunulmazlığı, dövlətlərarası münasibətlərin formalaşdırılması və eyni zamanda gələcəkdə baş tutacaq praktiki addımlarla bağlı məsələləri əhatə etməlidir. Qısa desək sülh müqaviləsi vacibdir və sadalananların rəsmələşdirilməsi üçün əsasdır.

Həmçinin sülh üçün siyasi iradə ortaya qoyulmalıdır ki, ümumi anlaşma əldə olunsun.

Buna dair artıq biz həm qarşılıqlı, həm də regional olaraq fikirləridə görə bilirik”. 

Politoloq əlavə olaraq qeyd edib ki, sülh üçün tərəflərin səsləndirdiyi tezislər təqribi olaraq eynidir. 
“Hər iki tərəf sülh istəyir, bu yolda irəlləyirlər  və danışıqlarda bu məcrada davam edir. Bildiyimiz kimi sərhədlərin delimitasiyası çətin prosesdir.

Biz əgər sülh müqaviləsini delimitasiyadan sonraya saxlasaq, xeyli vaxt itirəciyik.

Bu müddət ərzində kənar geosiyasi oyunçular və xarici qüvvələr müdaxilə edəcəklər.

Dediyim kimi biz ən birinci olaraq müqavilə  bağlamalıyıq. Delimitasiya və digər işlər müqavilədən sonra inkişaf edəcək”. 

Xəyal Ramiz