Ötən onilliklərə nisbətdə Ermənistan iqtisadiyyatının Ümumi Daxili Məhsulunda (ÜDM) artım müşahidə olunur və əvvəlki dövrlərdə baş verən böhranın izləri yavaş-yavaş itir. Ermənistan hökümətinin iqtisad prioritet istiqaməti necədir? Hökümətin əsas iqtisadiyyatı nəyə dayanır? Qafqaz ölkəsi Ermənistan haqqında iqtisadi əsaslar nədir?

Mövzu ilə bağlı iqtisadçı Natiq Cəfərli Ednews-a açıqlaması zaman bildirib ki, Ermənistan iqtisadiyyatının son vaxtlar inkişafının əsas səbəbi Rusiyaya qoyulan sanksiyalardır:

“Bunun nəticəsində Ermənistan burada alternativ yol kimi çıxış edir və bu da Rusiyaya qarşı olan sanksiyaları Ermənistan üzərindən ticarəti nəticəsində yüngülləşdirir. Bundan başqa Ukrayna müharibəsi başlayandan 120 minə yaxın Rusiya vətəndaşı Ermənistana köçüb. Onlar ümumilikdə Ermənistana 4 milyard dollara yaxın vəsait gətiriblər. Həmçinin həmən şəxlər ölkəyə investisiya ediblər, şirkətlər açıblar, evlər alıblar və s. Bütün bunlar Ermənistan iqtisadiyyatına inkişaf baxımından təsir göstərib. Əslində Ermənistanın əsas iqtisadi sahələri ənənəvi sahələrdir. Aqrar sənayesi, turizm və emal sənayesi üstündür. Onsuzda başqa yeni sahələr ölkədə yoxdur. Son iki ildə Ermənistanın siyasi aktivliyinin artmasının səbəbi tamamilə Rusiya ilə bağlıdır”. 

İqtisadçı əlavə olaraq qeyd edib ki, iki ölkə arasında təxminən 4 dəfəyə yaxın (3.8) ticart dövriyələrində də artım var: 

“Əsas məsələ Ermənistanda olan iqtisadi inkişafın təməlinin təbii olmamasıdır. Ermənistanın xarici ticarət dövriyyəsinin ümumi payının 27%-i, birbaşa investisiyaların ümumi həcminin isə 51%-i Rusiyanın payına düşür. Bundan başqa, Ermənistana xaricdən pul köçürmələrinin 61%-i də Rusiyadan gəlir. Bir sözlə Rusiya faktorunu çıxarsaq, Ermənistan iqtisadiyyatında yenidən ciddi instutsional problemlər yaranacaq”.  

Xəyal Ramiz