"Burada hər şey əladır! Əlbəttə ki, bu, birinci növbədə gözəl təbiətin, ikinci növbədə isə çox yaxşı insanlarla görüşlərin və ünsiyyətin verdiyi intellektual zövqün qarışığıdır. Buna görə də burada olmaqdan çox məmnunam".

Ednews xəbər verir ki, bu fikirləri gürcü jurnalist Gela Vasadze konfrans zamanı bildirib.

O daha ikinci Şuşa Qlobal Forumundan təəssüratlarını bölüşüb:

Prezident İlham Əliyevin dünənki çıxışından nəyi qeyd etməyi vacib hesab edirsiniz?

- Bilirsiniz, hər kəs öz yuvasını tərifləyir. Məncə, əsas diqqət milli ideya və Azərbaycanın, eləcə də bütövlükdə Qafqazın gələcəyi barədə suala verilən cavaba yönəlməlidir. Bu, milli inkişaf konsepsiyasını formalaşdırmaq və müvafiq olaraq gələcəyə baxmaq baxımından çox vacibdir.

Bakı və Yerevan arasında danışıqlar prosesinin hazırkı mərhələsi haqqında nə deyə bilərsiniz?

- Prezident dünən bu barədə də danışdı. Bu, mürəkkəbdir və mürəkkəb olmasının səbəbi qarşısıalınmaz qüvvələrin mövcudluğu deyil. Əvvəllər bu, mürəkkəb idi, çünki belə hallar var idi. İndi mürəkkəbdir, çünki ümumiyyətlə dünyada vəziyyət mürəkkəbdir, yenidən formatlaşdırma gedir. İndi biz başa düşürük ki, Azərbaycan əsas problemini həll etmək üçün hara can atırdı, çünki indi baş verənlər bu suala cavabdır. Buna görə də mürəkkəbdir. Amma düşünürəm ki, hər şey alınacaq. Hər şey yaxşı olacaq.

Xəyal Ramiz