İtaliyanın Azərbaycandakı səfiri cənab Ciampaolo Kutillo Eurasia Diary analitik informasiya portalına geniş müsahibə verib. Müsahibə əsnasında o Amerika Birləşmiş Ştatlarında baş tutan seçkilər və Respublikaçı namizəd Donald Trampın qalib gəlməsi faktını Eurasia Diary analitik informasiya portalı üçün şərh edib.  

Eurasia Diary: Mümkündürsə, biz  sizdən bir peşəkar diplomat  kimi, Amerikada baş tutan və dünən yekunlaşan prezident seçkiləri haqqında soruşmaq  istərdik. Bildiyimiz kimi ABŞ-da böyük bir İtaliya lobbisi var. İtalyan əsilli vətəndaşlar  ABŞ-ın daxili və xarici siyasətində, iqtisadi inkişafında ciddi  rol oynayırlar. Məhz bu səbəbdən soruşmaq istərdik ki, Donald Trampın seçilməsi həm Avropa Birliyinin vacib ölkəsi kimi İtaliya ilə Amerika arasında, həm də Amerikadakı böyük İtaliya lobbisi üçün hansı məna daşıyır? 

Ciampaolo Kutillo: Onu demək istəyirəm ki, ABŞ-da İtalyan icması ənənəvi olaraq güclü icmalardan biridir və çox geniş, mürəkkəb, multikultural və çoxmillətli cəmiyyətin bir hissəsidir. Amerika siyasətinə də müəyyən dərəcədə təsir göstərən icmadır. Prezident seçimi məncə ağır zəhmət tələb edən uğurlu kampaniyanın sonunda gələn nailiyyətdir. Biz bunun şahidi olduq. Fakt budur ki, Amerikanın indi yeni prezidenti seçildi və Avropa, eləcə də İtalya kimi bir çox dövlətlərin rəhbərləri tərəfindən təbrik edildi. Əlbəttə ki,Amerika Birləşmiş Ştatları, İtalya həmçinin Avropa İttifaqı üçün çox mühüm tərəfdaşlardan biridir. Şübhəsiz ki, biz bundan sonra da Amerika ilə ən azı son 70 ildir ki, izlədiyimiz yolu - bizi bir aya gətirən eyni dəyərlər, prinsiplər və  maraqlar əsasında əməkdaşlığımızı davam etdirəcəyik. Biz bu mövqedən çıxış etməyə davam edəcəyik və arzu edirik ki, prezident Donald Trump öz ölkəsinin maraqları əsasında gələcəkdə yalnız öz ölkəsi üçün yox eləcə də bütün beynəlxalq ictimaiyyət üçün yaxşı işlər görəcək.

Qeyd edək ki, İtaliyanın Azərbaycandakı səfiri ilə daha geniş müsahibəyə ən qısa vaxtda  Eurasia Diary analitik informasiya portalında  tanış ola bilərsiniz.